Wave Money နဲ့ WavePay ဝန်ဆောင်မှု တွေနဲ့ ပတ်သက်ပြီး ပိုသိချင်တာရှိရင် Help Center မှာ ကြည့်နိုင်ပါတယ်။
အမေးရှိလား? အဖြေက အသင့်ပဲ! ဒီမှာရှာလိုက်ပါ။
WavePay ဆိုတာ အချိန်မရွေး နေရာမရွေး မိုဘိုင်းဖုန်းရှိရုံနဲ့ အလွယ်တကူ စိတ်ကြိုက် အသုံးပြုနိုင်တဲ့ Wave Money ရဲ့မိုဘိုင်းပိုက်ဆံအိတ်ဖြစ်ပါတယ်။ ကိုယ်တိုင် Download လုပ်ရယူနိုင်ပြီး ကိုယ်တိုင်အကောင့်ဖွင့်နိုင်ပါတယ်။ WavePay နဲ့ဆိုရင် ငွေလွှဲ/ငွေထုတ်ခြင်း၊ ဖုန်းဘေဖြည့်ခြင်း၊ ဘေပေးဆောင်ခြင်း၊ ချေးငွေပေးချေခြင်း၊ ခရီးသွားလက်မှတ်အတွက် ငွေပေးချေခြင်း စတဲ့ ဝန်ဆောင်မှုတွေကို ကိုယ့်ဖုန်းကနေ တစ်ဆင့် ပြုလုပ်နိုင်ပါတယ်။ WavePay ရဲ့ ဝန်ဆောင်မှုတွေ အသုံးပြုတဲ့အခါ ဘဏ်အကောင့်ရှိဖို့ မလိုဘဲ မိုဘိုင်းဖုန်းရှိရုံနဲ့ ငွေကြေးဝန်ဆောင်မှုတွေကို အသုံးပြုနိုင်တာဖြစ်တဲ့အတွက်ကြောင့် ဘဏ်ဖွင့်ချိန်၊ ပိတ်ချိန်တွေအတွက်စိတ်ပူဖို့မလိုပါဘူး။ မိမိရဲ့ WavePay အကောင့်ထဲကို ငွေသွင်းပြီးတာနဲ့ မြန်မာနိုင်ငံထဲမှာရှိတဲ့ဘယ်သူ့ကိုမဆို ငွေလွှဲနိုင်မှာဖြစ်ပါတယ်။ WavePay အကောင့်အချင်းချင်း ဆိုရင်လည်း ငွေလွှဲခ အခမဲ့ ဖြစ်ပါတယ်။
WavePay အက်ပလီကေးရှင်းကို မည်သည့်အော်ပရေတာနံပါတ်နဲ့မဆို အသုံးပြုနိုင်ပါတယ်။
WavePay အကောင့် အချင်းချင်းဆိုရင် အခမဲ့ ငွေလွှဲနိုင်ပါတယ်။
WavePay အကောင့်မရှိတဲ့သူဆီ ငွေလွှဲတဲ့အခါ ငွေလွှဲခပေးရပါတယ်။
WavePay အကောင့်ထဲက ငွေထုတ်မယ်ဆိုရင်တော့ ငွေထုတ်ခကို အကောင့်ထဲက ဖြတ်သွားမှာဖြစ်ပါတယ်။ ကျသင့်တဲ့ ငွေလွှဲခပမာဏကို အက်ပလီကေးရှင်းထဲမှာရှိတဲ့ “Fee Calculator” ကိုအသုံးပြုပြီး တွက်ချက်နိုင်ပါတယ်။
Wave Money ဆိုင်မှာ မိမိအကောင့်ထဲငွေသွင်းတဲ့အခါ ငွေသွင်းခပေးဖို့မလိုပါဘူး။
ဖုန်းနံပါတ်တစ်ခုကို WavePay အကောင့်တစ်ခုပဲဖွင့်လို့ရပါတယ်။
လက်ရှိအချိန်မှာတော့ နိုင်ငံခြားငွေလွှဲတဲ့ ဝန်ဆောင်မှု မရှိသေးပါဘူး။
MPU ကဒ်ဖြင့် ငွေဖြည့်သွင်းခြင်းလုပ်ဆောင်ချက်ကို WavePay Level 2 သုံးစွဲသူများအားလုံး အသုံးပြုနိုင်ပါသည်။ အကယ်၍ WavePay Level 2 သုံးစွဲသူမဟုတ်ပါက၊ မိတ်ဆွေရဲ့ လက်ရှိသုံးနေသည့် WavePay Basic အကောင့်ကို Level 2 သို့ မှတ်ပုံတင်ဖြင့် အလွယ်တကူ အဆင့်မြှင့်နိုင်ပါသည်။
WavePay ဆိုတာက Wave Money ရဲ့ မိုဘိုင်းပိုက်ဆံအိတ်ဖြစ်ပါတယ်။ မိတ်ဆွေရဲ့ မိုဘိုင်းဖုန်းမှာ WavePay အကောင့်ဖွင့်ထားဖို့ လိုအပ်ပြီး အင်တာနက်ရှိရုံနဲ့ ငွေလွှဲခြင်း၊ ငွေထုတ်ခြင်း၊ ဘေပေးဆောင်ခြင်း နဲ့ ဖုန်းဘေဖြည့်ခြင်း အစရှိတဲ့ ငွေကြေး၀န်ဆောင်မှုတွေကို ပြုလုပ်နိုင်ပါတယ်။ Wave Money ဆိုတာက အကောင့်ဖွင့်ဖို့မလိုဘဲ မှတ်ပုံတင်နဲ့ ဖုန်းနံပါတ် စတဲ့ လိုအပ်တဲ့ အချက်အလက်တွေကို Wave Money ဆိုင်တွေမှာ ပြောပြပြီး ငွေလွှဲ၊ ငွေထုတ် နဲ့ ချေးငွေပေးချေတာတွေကို လုပ်ဆောင်ခြင်းဖြစ်ပါတယ်။ Wave Money ဝန်ဆောင်မှုတွေသုံးဖို့အတွက် အကောင့်ရှိဖို့မလိုပါဘူး။
မြန်မာနိုင်ငံတွင်းက ဘယ်သူ့ကိုမဆို WavePay သုံးပြီး ငွေလွှဲလို့ရပါတယ်။ ငွေလက်ခံမယ့်သူမှာ WavePay အကောင့်ရှိရင်တော့ ဖုန်းနံပါတ်သိရုံနဲ့ ငွေလွှဲနိုင်ပြီး လွှဲလိုက်တဲ့ငွေက ငွေလက်ခံမယ့်သူရဲ့ အကောင့်ထဲကို တိုက်ရိုက်ရောက်သွားမှာဖြစ်ပါတယ်။ ငွေလက်ခံမယ့်သူက WavePay အကောင့်မရှိရင်တော့ ငွေလက်ခံမယ့်သူရဲ့ ဖုန်းနံပါတ်၊ နာမည် နဲ့ မှတ်ပုံတင်နံပါတ်တွေကို သိရုံနဲ့ မြန်မာနိုင်ငံထဲက ဘယ်သူ့ကိုမဆို WavePay ကတစ်ဆင့် ငွေလွှဲနိုင်ပါတယ်။ ငွေလွှဲပြီးရင် လျှို့ဝှက်နံပါတ်ကို ငွေလက်ခံမယ့်သူဆီပို့လိုက်တာနဲ့ နီးစပ်ရာ Wave Money ဆိုင်မှာ ငွေထုတ်ယူနိုင်ပါတယ်။ လျှို့ဝှက်နံပါတ်ကို ငွေလက်ခံမယ့်သူကလွဲပြီး ဘယ်သူ့ကိုမှမပေးပါနဲ့။
ငွေလက်ခံမယ့်သူက WavePay အကောင့် ရှိရင် လွှဲလိုက်တဲ့ငွေက ငွေလက်ခံမယ့်သူရဲ့ WavePay အကောင့်ထဲကို တိုက်ရိုက်ရောက်သွားမှာဖြစ်ပြီး ငွေထုတ်ချင်ရင်တော့ နီးစပ်ရာ Wave Money ဆိုင်မှာ ဖုန်းနံပါတ်ပြောရုံနဲ့ ငွေထုတ်နိုင်ပါတယ်။ ငွေလက်ခံမယ့်သူက WavePay အကောင့်မရှိရင် လုပ်ငန်းစဉ်နံပါတ်နဲ့ လျှို့၀ှက်နံပါတ်သုံးပြီး အနီးဆုံးမှာရှိတဲ့ Wave Money ဆိုင်မှာ ငွေထုတ်နိုင်ပါတယ်။
WavePay အက်ပလီကေးရှင်းကို Android နဲ့ iOS ၂မျိုးလုံးနဲ့ အသုံးပြုနိုင်ပါတယ်။
MPU ကဒ်ဖြင့် ငွေဖြည့်သွင်းရန်အတွက် MPU ကဒ်များသည် e-commerce လုပ်ဆောင်ချက်ဖြင့် မှတ်ပုံတင် ဖွင့်ထားရပါမည်။ ၎င်း e-commerce လျှောက်ထားခြင်းကို သက်ဆိုင်ရာကဒ်ထုတ်ပေးသည့်ဘဏ်၌ လုပ်ဆောင်နိုင်ပါသည်။
MPU ကဒ်ဖြင့် ငွေဖြည့်သွင်းခြင်းအတွက် လုပ်ငန်းစဉ်တစ်ခုလျှင် အနိမ့်ဆုံးပမာဏသတ်မှတ်ချက်မှာ ၁၀,၀၀၀ ကျပ်ဖြစ်ပြီး Wave Wallet ၏ လက်ခံနိုင်သည့် အများဆုံး ငွေပမာဏမှာ သိန်း (၂၀) ကျပ်အထိ ဖြစ်ပါသည်။ သို့ရာတွင် ကဒ်ထုတ်ပေးသောဘဏ်၏ Debit ကန့်သတ်ချက်ပေါ်မူတည်၍ ကွဲပြားနိုင်ပါသည်။
WavePay အက်ပလီကေးရှင်းကို download လုပ်မယ်ဆိုရင် Android ဖုန်းတွေအတွက် Google Play Store: https://bit.ly/wavepayandroid သို့မဟုတ် https://www.wavemoney.com.mm/wavepay.php သို့မဟုတ် Huawei AppGallery: https://bit.ly/3dZ18yA တို့ကနေ download ရယူနိုင်ပါတယ်။ iOS ဖုန်းတွေအတွက် Apple App Store: https://apple.co/2AwTRHM တို့ကနေ download လုပ်နိုင်ပါတယ်။ ဒါမှမဟုတ် Google Play Store၊ Huawei AppGallery နဲ့ Apple App Store တွေမှာ WavePay လို့ ရှာပြီးလည်း download လုပ်နိုင်ပါတယ်။
WavePay စသုံးမယ်ဆိုရင် အကောင့်ဖွင့်ဖို့ ကြိုက်နှစ်သက်ရာ SIM Card ကိုအသုံးပြုနိုင်ပါတယ်။ အကောင့်ဖွင့်ဖို့အတွက်အရင်ဆုံး WavePay အက်ပလီကေးရှင်းကို download လုပ်ရပါမယ်။ အကောင့်စဖွင့်မယ်ဆိုရင် –
၁။ WavePay အက်ပလီကေးရှင်း ကိုဖွင့်ပါ။ ဘာသာစကားရွေးချယ်ပြီး “ရှေ့ဆက်မည်” ကိုနှိပ်ပါ။ နောက်စာမျက်နှာပေါ်လာရင် “အကောင့်လုပ်မည်” ကိုနှိပ်ပါ။
၂။ နောက်စာမျက်နှာမှာ ဖုန်းနံပါတ်ကိုရိုက်ထည့်ပြီး “ဆက်လုပ်ပါ” ကိုနှိပ်ပါ။
၃။ ယာယီ PIN နံပါတ် ၄ လုံးကို SMS နဲ့ပို့ပေးတဲ့အခါ PIN လေးလုံးကို ရိုက်ထည့်ပြီး “ဆက်လုပ်ပါ” ကိုနှိပ်ပါ။
၄။ နောက်စာမျက်နှာမှာ မိတ်ဆွေထားရှိလိုတဲ့ လျှို့ဝှက် PIN နံပါတ် ၄လုံးကိုရိုက်ထည့်ပါ။ ဒီ PIN နံပါတ် ၄ လုံးကို အမြဲမှတ်ထားပြီး ဘယ်သူ့ကိုမှမပြောပြပါနဲ့။ PIN နံပါတ်ရိုက်ပြီးတဲ့အခါ “ဆက်လုပ်ပါ” ကို နှိပ်ပါ။
၅။ မိတ်ဆွေရွေးချယ်ထားတဲ့ PIN နံပါတ် မှန်၊ မမှန် ပြန်စစ်ခိုင်းတဲ့ စာမျက်နှာပေါ်လာပါလိမ့်မယ်။ PIN နံပါတ် မှန်ရင် “ဆက်လုပ်ပါ” ကိုနှိပ်ပါ။
၆။ အကောင့်ကိုစသုံးဖို့ မိတ်ဆွေရွေးထားတဲ့ PIN နံပါတ် ၄ လုံးကို ပြန်ရိုက်ထည့်ပေးရပါမယ်။ ပြီးရင်တော့ “ဝင်မည်” ကိုနှိပ်ပါ။
၇။ နာမည်၊ မွေးနေ့ နဲ့ ကျား၊မ ရွေးပြီးတဲ့အခါ WavePay ဝန်ဆောင်မှုတွေကို စသုံးနိုင်ပါပြီ။ အရေးကြီးတာက မိတ်ဆွေရဲ့မွေးနေ့အမှန်ကို ရိုက်ထည့်ပေးဖို့ပါ။
WavePay အကောင့်ထဲကို ငွေသွင်းမယ်ဆိုရင် အနီးဆုံး Wave Money ဆိုင် နဲ့ ရိုးမဘဏ်SMART အကောင့်၊ KBZ နဲ့ CB Mobile Banking တွေကတစ်ဆင့်ငွေသွင်းနိုင်ပါတယ်။
WavePay အကောင့်ကို ဖျက်ရန်အတွက် Wave Money Call Center ကို ဆက်သွယ်ဆောင်ရွက် ရပါမည်။ အကောင့်မဖျက်ခင် သင်၏ မိုဘိုင်းလ်ပိုက်ဆံအိတ်အတွင်း လက်ကျန်ငွေ သုညသာရှိရမှာဖြစ်ပြီး လုပ်ငန်းစဉ်ပြီးဆုံးရန် အလုပ်ချိန် ၁ရက် ကြာပါမည်။
WavePay အကောင့် ဆိုတာ Wave Money ရဲ့မိုဘိုင်းပိုက်ဆံအိတ် WavePay ကို အသုံးပြုဖို့အတွက် ဖွင့်ထားရတဲ့ အကောင့်ဖြစ်ပါတယ်။ WavePay အကောင့်ရှိရုံနဲ့ ငွေလွှဲခြင်း၊ ငွေပေးချေခြင်း၊ ဘေဆောင်ခြင်း၊ ဖုန်းဘေဖြည့်ခြင်း၊ ချေးငွေပေးချေခြင်းနဲ့ အခြားငွေကြေးဝန်ဆောင်မှုတွေကို လုပ်နိုင်ပါတယ်။
WavePay အကောင့်ကို သာမန်အသုံးပြုတဲ့ မိတ်ဆွေတွေက level 2 အထိ မြှင့်နိုင်မှာဖြစ်ပြီး စီးပွားရေးလုပ်ငန်းအတွက် ချိတ်ဆက်ချင်တဲ့ မိတ်ဆွေတွေကတော့ Level 3 အထိမြှင့်နိုင်မှာဖြစ်ပါတယ်။
စီးပွားရေးလုပ်ငန်းအတွက် Level 3 မြှင့်လိုတဲ့ မိတ်ဆွေတွေက အီးမေးလ် – [email protected] ကိုဆက်သွယ်နိုင်သလို အပြာရောင် အမှန်ခြစ်ပါတဲ့ Wave Money official Facebook Page Messenger ကိုလည်းဆက်သွယ်နိုင်ပါတယ်။ (၂၄) နာရီဝန်ဆောင်မှုရရှိနိုင်တဲ့ Wave Money Call Center ကို တယ်လီနောအသုံးပြုသူတွေက 900 နဲ့ တခြားအော်ပရေတာအသုံးပြုတဲ့သူတွေကတော့ 09790009000 ကို ဆက်သွယ်စုံစမ်းနိုင်ပါတယ်။ တယ်လီနော နံပါတ်နဲ့ ခေါ်ဆိုရင်တော့ ဖုန်းခေါ်ဆိုခ အခမဲ့ဖြစ်ပါတယ်။
WavePay အက်ပလီကေးရှင်းကို အခမဲ့ download လုပ်ပြီး အကောင့်ဖွင့်ရုံနဲ့ WavePay Basic အကောင့်ဖြစ်သွားပါပြီ။ အကောင့်ဖွင့်တဲ့အခါ မိမိရဲ့ နာမည်၊ ဖုန်းနံပါတ်၊ မွေးနေ့ အမှန်ကို ဖြည့်ပေးဖို့ လိုအပ်ပါတယ်။
မိတ်ဆွေရဲ့ လက်ရှိသုံးနေတဲ့ WavePay Basic အကောင့်ကို Level 2 မြှင့်ဖို့အတွက် မှတ်ပုံတင် လိုအပ်ပါတယ်။
အခုမှ WavePay စသုံးမယ့်သူဆိုရင် အရင်ဆုံး WavePay အက်ပလီကေးရှင်းကို အခမဲ့ download ရယူပါ။ ပြီးရင် နာမည်၊ ဖုန်းနံပါတ်၊ မှတ်ပုံတင်၊ မိမိ မွေးနေ့ အမှန်နဲ့ ကျား၊မ ရွေးပေးပြီး အကောင့်ဖွင့်နိုင်ပါပြီ။ ပြီးရင်တော့ မိတ်ဆွေရဲ့ မှတ်ပုံတင်ကို အသုံးပြုပြီး အကောင့်ကို Level 2 မြှင့်နိုင်ပါပြီ။
Android နဲ့ iOS ဖုန်းတွေမှာ Level 2 မြှင့်ဖို့အတွက် အဆင့်ဆင့်ကို အောက်မှာ ကြည့်နိုင်ပါတယ်။
Android ဖုန်းအသုံးပြုသူများ WavePay အကောင့် Level 2 မြှင့်မယ်ဆိုရင် –
၁။ WavePay app ကိုဖွင့်ပြီး ဘယ်ဘက်ဒေါင့်အပေါ်က လိုင်း ၃ခုကိုနှိပ်ပါ။
၂။ “Upgrade” ဆိုတာကိုနှိပ်ပါ။
၃။ လိုအပ်တဲ့အချက်အလက်တွေဖြစ်တဲ့ နာမည်၊ မွေးနေ့၊ ကျား/မ ကိုဖြည့်စွက်ပြီး မှတ်ပုံတင် (သို့) ယာဉ်မောင်းလိုင်စင် (သို့) နိုင်ငံကူးလက်မှတ် ရဲ့ နံပါတ်နဲ့ ကြည်လင်ပြတ်သားတဲ့ရှေ့ဘက်၊ ကျောဘက်ဓာတ်ပုံ ကို ထည့်သွင်းပေးပါ။ မှန်ကန်တဲ့ အချက်အလက်ကိုသာဖြည့်ဖို့ အရေးကြီးပါတယ်။
၄။ အချက်အလက်တွေပြည့်စုံစွာဖြည့်ပြီးရင် “ပေးပို့ပါ” ကိုနှိပ်ပါ။
အကောင့် Level မြှင့်ခြင်းကို အလုပ်လုပ်ရက် ၃ ရက်အတွင်း ဆောင်ရွက်ပေးသွားမှာပါ။ ၃ရက်အတွင်း Level မြှင့်တင်မှုမဖြစ်ပါက Wave Money Call Center ကိုဆက်သွယ်မေးမြန်းနိုင်ပါတယ်။ iOS ဖုန်းအသုံးပြုသူများ WavePay အကောင့် Level 2 မြှင့်မယ်ဆိုရင် –
၁။ WavePay app ကိုဖွင့်ပြီး ဘယ်ဘက်ဒေါင့်အပေါ်က လိုင်း ၃ခုကိုနှိပ်ပါ။
၂။ “Upgrade” ဆိုတာကိုနှိပ်ပါ။
၃။ လိုအပ်တဲ့အချက်အလက်တွေဖြစ်တဲ့ နာမည်၊ မွေးနေ့၊ ကျား/မ ကိုဖြည့်စွက်ပြီး မှတ်ပုံတင် (သို့) ယာဉ်မောင်းလိုင်စင် (သို့) နိုင်ငံကူးလက်မှတ်ရဲ့ နံပါတ်နဲ့ ကြည်လင်ပြတ်သားတဲ့ရှေ့ဘက်၊ ကျောဘက်ဓာတ်ပုံ ကို ထည့်သွင်းပေးပါ။ မှန်ကန်တဲ့ အချက်အလက်ကိုသာဖြည့်ဖို့ အရေးကြီးပါတယ်။
၄။ အချက်အလက်တွေပြည့်စုံစွာဖြည့်ပြီးရင် “ပေးပို့ပါ” ကိုနှိပ်ပါ။
အကောင့် Level မြှင့်ခြင်းကို အလုပ်လုပ်ရက် ၃ ရက်အတွင်း ဆောင်ရွက်ပေးသွားမှာပါ။ ၃ရက်အတွင်း Level မြှင့်တင်မှုမဖြစ်ပါက Wave Money Call Center ကိုဆက်သွယ်မေးမြန်းနိုင်ပါတယ်။
WavePay Basic နဲ့ Level 2 တို့ရဲ့မှာ ငွေထည့်ထားနိုင်သည့်ပမာဏ၊ နေ့စဉ်ငွေလွှဲနိုင်တဲ့ပမာဏနဲ့ လစဉ်ငွေလွှဲနိုင်တဲ့ပမာဏတွေ ကွာခြားပါတယ်။ Level 2 အကောင့်အသုံးပြုသူတွေက Basic အကောင့်အသုံးပြုသူတွေထက် အကောင့်ထဲမှာ ငွေပိုပြီး ထည့်ထားနိုင်ပါတယ်။ Level 2 အကောင့်အသုံးပြုသူတွေရဲ့ နေ့စဉ်နဲ့ လစဉ်ငွေလွှဲနိုင်တဲ့ပမာဏကလည်း Basic အသုံးပြုသူတွေထက် ၁၀ဆ ပိုများပါတယ်။
မိမိရဲ့ WavePay အကောင့်ထဲကို နီးစပ်ရာ Wave Money ဆိုင်မှာ အခမဲ့ ငွေသွင်းနိုင်ပါတယ်။ ဒါမှမဟုတ် မိမိရဲ့ ကိုယ်ပိုင် ရိုးမဘဏ်SMART အကောင့်၊ CB နဲ့ KBZ mobile banking တွေကတစ်ဆင့် အခမဲ့ ငွေသွင်းနိုင်ပါတယ်။
ရိုးမဘဏ်SMART အကောင့်နဲ့ချိတ်ဆက်ပြီး ငွေလွှဲတဲ့အခါ Instant Transfer လို့ခေါ်တဲ့ စနစ်လေးကြောင့် ရိုးမဘဏ်SMART အကောင့်ကနေ WavePay အကောင့်ထဲကို ငွေလွှဲရင် ချက်ချင်း ရောက်မှာဖြစ်ပါတယ်။ CB နဲ့ KBZ mobile banking တွေကို အသုံးပြုပြီး မိတ်ဆွေရဲ့ WavePay အကောင့်ထဲကို ငွေသွင်းတဲ့အခါ အလုပ်ချိန် (၄) နာရီအတွင်း ငွေဖြည့်ပေးသွားမှာဖြစ်ပါတယ်။
တကယ်လို့ WavePay အကောင့်ကို ရက်ပေါင်း (၁၈၀) မသုံးဘဲထားရင် မိတ်ဆွေရဲ့အကောင့် လုံခြုံရေးအတွက် အကောင့်ကို ယာယီ ပိတ်လိုက်မှာဖြစ်ပါတယ်။ မိတ်ဆွေအနေနဲ့ ယာယီပိတ်ထားတဲ့ အကောင့်ကိုပြန်လည်အသုံးပြုချင်တယ်ဆိုရင် Wave Money Call Center ကို ဆက်သွယ်နိုင်ပါတယ်။ အကောင့်ယာယီပိတ်ထားတဲ့အချိန်မှာ ငွေလွှဲလုပ်ငန်းစဉ်ကို လုပ်ဆောင်နိုင်မှာမဟုတ်ပါဘူး။ အကောင့်ကို မပိတ်ခင်မှာလည်း Wave Money က အကောင့်ပိတ်မယ့် သတိပေးအကြောင်းကြားစာ SMS ကိုလည်း ရရှိမှာဖြစ်ပါတယ်။
WavePay အက်ပလီကေးရှင်းကို သုံးမယ်ဆိုရင် ရရှိမယ့် အကျိုးကျေးဇူးတွေကတော့ –
၁။ မိမိ ကိုယ်တိုင် အကောင့်ဖွင့်နိုင်ခြင်း
၂။ အချိန်မရွေး အသုံးပြုနိုင်ခြင်း
၃။ WavePay အကောင့်အချင်းချင်း အခမဲ့ငွေလွှဲနိုင်ခြင်း
၄။ WavePay ရဲ့ ရိုးရှင်းပြီးလွယ်ကူတဲ့ ငွေကြေးဝန်ဆောင်မှုတွေကို နားလည်နိုင်ခြင်း
၅။ မိမိအကောင့်ထဲတွင် လုပ်ဆောင်ခဲ့သောလုပ်ငန်းစဉ်အခြေအနေကို WavePay appရဲ့ ပင်မစာမျက်နှာမှာရှိတဲ့ “စာရင်း”ကိုနှိပ်ပြီး ပြန်လည်ကြည့်ရှုနိုင်ခြင်း ၆။ မိမိရဲ့ နောက်ဆုံး ၃လအတွင်း ပြီးမြောက်ခဲ့သောလုပ်ငန်းစဉ်စာရင်းများအား ပြန်လည်တောင်းခံနိုင်ခြင်း
၇။ QR Code များကို Scan ဖတ်ပြီး မြန်ဆန်စွာ ငွေပေးချေနိုင်ခြင်း (Metro၊ KFC နဲ့ Auntie Anne’s တို့မှာ ငွေပေးချေနိုင်ပါတယ်။)
၈။ WavePay အက်ပလီကေးရှင်းကို လုံခြုံစိတ်ချစွာ အသုံးပြုနိုင်ခြင်း
၉။ WavePay သုံးပြီး ငွေလွှဲခြင်း၊ ငွေလက်ခံခြင်း၊ ဘေပေးဆောင်ခြင်း၊ ချေးငွေပေးချေခြင်း၊
ဖုန်းဘေဖြည့်ခြင်း၊ ခရီးသွားလက်မှတ်များနဲ့ အခြားစိတ်ဝင်စားဖွယ်ကောင်းသော ငွေပေးချေသည့် ဝန်ဆောင်မှုများ ရယူနိုင်ခြင်း
၁၀။ မိမိအကောင့်ထဲသို့ ငွေသွင်းခြင်း (သို့မဟုတ်) အကောင့်ထဲမှ ငွေထုတ်ခြင်းများကို နီးစပ်ရာ Wave Money ဆိုင်များတွင် အလွယ်တကူပြုလုပ်နိုင်ခြင်း
၁၁။ အကောင့်ထဲသို့ ငွေသွင်းခြင်းအတွက် Wave Money ဆိုင်တွေအပြင် ရိုးမဘဏ်SMART အကောင့်ဖြင့် ချိတ်ဆက်၍လည်းကောင်း၊ CB နဲ့ KBZ mobile banking များကို အသုံးပြု၍လည်းကောင်း အလွယ်တကူငွေဖြည့်သွင်းနိုင်ခြင်း အစရှိတဲ့ လုပ်ဆောင်မှုတွေလုပ်နိုင်တာကြောင့် WavePay အက်ပလီကေးရှင်းကို အသုံးပြုဖို့ အကြံပေးလိုပါတယ်။
WavePay အက်ပလီကေးရှင်း ကတစ်ဆင့် ခရီးသွားလက်မှတ်တွေဝယ်နိုင်ဖို့ MMBusTickets, Oway, Flymya, Elite စတဲ့ ခရီးသွားအေးဂျင့်တွေနဲ့ ချိတ်ဆက်ထားတာကြောင့် ဘက်စ်ကားလက်မှတ်၊ လေယာဉ်လက်မှတ် ဝယ်ယူခြင်းနဲ့ ဟိုတယ်ဘိုကင်တင်ခြင်းတွေကို WavePay အက်ပလီကေးရှင်းနဲ့ပဲ အလွယ်တကူ ပြုလုပ်နိုင်ပါတယ်။
WavePay အကောင့် အချင်းချင်းငွေလွှဲမယ်ဆိုရင် ငွေလက်ခံမယ့်သူရဲ့ WavePay အကောင့်ဖွင့်ထားတဲ့ ဖုန်းနံပါတ်ကို သိဖို့လိုပါတယ်။
ငွေလွှဲပုံအဆင့်ဆင့်ကို အောက်မှာ ကြည့်နိုင်ပါတယ်။
၁။ အရင်ဆုံး WavePay App ကို ဖွင့်ပါ။ ပြီးရင် “ငွေလွှဲ” ကိုရွေးပါ။
၂။ ငွေလွှဲမည့်ဖုန်းနံပါတ်ကို ရွေးချယ် သို့မဟုတ် ရိုက်ထည့်ပါ။ မိတ်ဆွေ ငွေလွှဲမယ့်ဖုန်းနံပါတ် မှန်မမှန် ပြန်စစ်ပါ။
၃။ လွှဲမည့်ငွေပမာဏကိုဖြည့်ပြီး “ဆက်လုပ်ပါ” ကို နှိပ်ပါ။ မိတ်ဆွေလွှဲလိုတဲ့ ငွေပမာဏ မှန်မမှန် ပြန်စစ်ပါ။
၄။ ငွေလွှဲလုပ်ဆောင်မှုစာမျက်နှာပေါ်လာမှာဖြစ်ပြီး “ဆက်လုပ်ပါ” ကိုနှိပ်ပါ။
၅။ မိမိ WavePay အကောင့် PIN နံပါတ်၄လုံးရိုက်ထည့်ပြီး “ယခုပို့ပါ” ကို နှိပ်ပါ။
၆။ ငွေလွှဲလုပ်ဆောင်မှု ပြီးမြောက်ပါပြီ။
ပြီးမြောက်သွားတဲ့ လုပ်ငန်းစဉ်တွေကို ပင်မစာမျက်နှာက “စာရင်း” မှာ ပြန်လည်ကြည့်ရှုနိုင်ပါတယ်။
မိတ်ဆွေရဲ့အကောင့်လုံခြုံရေးအတွက် OTP နဲ့ WavePay အကောင့်ရဲ့ PIN နံပါတ် ကို ဘယ်သူ့ကိုမှ မပြောပြဖို့လည်း လိုအပ်ပါတယ်နော်။
WavePay အကောင့် ကနေ WavePay အကောင့်မရှိသူကို ငွေလွှဲမယ်ဆိုရင် ငွေလက်ခံမယ့်သူရဲ့ဖုန်းနံပါတ်၊ နာမည် နဲ့ မှတ်ပုံတင်နံပါတ်တွေကို သိဖို့ လိုအပ်ပါတယ်။ ငွေလွှဲပြီးသွားရင်တော့ ငွေလက်ခံမယ့်သူက နီးစပ်ရာ Wave Money ဆိုင်ကတစ်ဆင့် အခမဲ့ငွေထုတ်နိုင်ပါတယ်။
ငွေလွှဲပုံအဆင့်ဆင့်ကို အောက်မှာ ကြည့်နိုင်ပါတယ်။
၁။ အရင်ဆုံး WavePay App ကို ဖွင့်ပါ။ ပြီးရင် “ငွေလွှဲ” ကိုရွေးပါ။
၂။ ငွေလွှဲမည့်ဖုန်းနံပါတ်ကို ရွေးချယ် သို့မဟုတ် ရိုက်ထည့်ပါ။ မိတ်ဆွေ ငွေလွှဲမယ့်ဖုန်းနံပါတ် မှန်မမှန် ပြန်စစ်ပါ။
၃။ လွှဲမည့်ငွေပမာဏ၊ ငွေလက်ခံသူရဲ့ နာမည် နဲ့ မှတ်ပုံတင်နံပါတ်၊ လျှို့ဝှက်နံပါတ် ကိုဖြည့်ပြီး “ဆက်လုပ်ပါ” ကို နှိပ်ပါ။ မိတ်ဆွေလွှဲလိုတဲ့ ငွေပမာဏ နဲ့ ဖြည့်စွက်ထားတဲ့ အချက်အလက်တွေ မှန်မမှန် ပြန်စစ်ပါ။
၄။ ငွေလွှဲလုပ်ဆောင်မှုစာမျက်နှာပေါ်လာမှာဖြစ်ပြီး “ဆက်လုပ်ပါ” ကိုနှိပ်ပါ။
၅။ မိမိ WavePay အကောင့် PIN နံပါတ် ၄လုံးရိုက်ထည့်ပြီး “ယခုပို့ပါ” ကို နှိပ်ပါ။
၆။ ငွေလွှဲလုပ်ဆောင်မှု ပြီးမြောက်ပါပြီ။ မိတ်ဆွေထည့်သွင်းထားတဲ့ လျှို့ဝှက်နံပါတ် ၆ လုံးကို ငွေလက်ခံမယ့်သူကိုပဲ ပြောပြပေးပါ။ ပြီးမြောက်သွားတဲ့ လုပ်ငန်းစဉ်တွေကို ပင်မစာမျက်နှာက “စာရင်း” မှာ ပြန်လည်ကြည့်ရှုနိုင်ပါတယ်။
WavePay အကောင့်မရှိသူတွေကို ငွေလွှဲတဲ့အခါ အရေးကြီးဆုံးက ငွေလွှဲချင်တဲ့ ဖုန်းနံပါတ် အမှန်ဖြစ်ဖို့နဲ့ မိတ်ဆွေထည့်သွင်းထားတဲ့ လျှို့ဝှက်နံပါတ် ၆လုံးကို ငွေလက်ခံမယ့်သူ တစ်ယောက်တည်းကိုပဲပြောပြပေးပါ။
WavePay သုံးပြီး ဖုန်းဘေဖြည့်မယ်ဆိုရင် WavePay အကောင့်ရှိဖို့လိုပါတယ်နော်။ Wi-Fi သို့မဟုတ် မိုဘိုင်းဒေတာ ရှိဖို့လည်းလိုပါတယ်။
၁။ အရင်ဆုံး WavePay app ကိုဖွင့်ပါ။ ပင်မစာမျက်နှာမှာရှိတဲ့ “ဖုန်းငွေဖြည့်” ကိုနှိပ်ပါ။
၂။ ငွေဖြည့်လိုတဲ့ဖုန်းနံပါတ်ကို မှန်အောင်ရိုက်ထည့်ပါ။
၃။ ငွေဖြည့်ချင်တဲ့ ပမာဏကိုရွေးပေးပါ။
၄။ “ဆက်လုပ်ပါ” ကိုနှိပ်ပါ။
၅။ မိမိ WavePay အကောင့် PIN နံပါတ် ၄လုံးရိုက်ထည့်ပြီး “ယခုဝယ်ပါ” ကို နှိပ်ပါ။
၆။ မိတ်ဆွေရဲ့ ဖုန်းဘေဖြည့်တဲ့လုပ်ဆောင်မှု ပြီးမြောက်ပါပြီ။
ပြီးမြောက်သွားတဲ့ လုပ်ငန်းစဉ်တွေကို ပင်မစာမျက်နှာက “စာရင်း” မှာ ပြန်လည်ကြည့်ရှုနိုင်ပါတယ်။
ရိုးမဘဏ် SMART အကောင့်ကနေ WavePay အကောင့်ထဲကို ငွေလွှဲမယ်ဆိုရင် WavePayအကောင့် နဲ့ ရိုးမဘဏ် SMART အကောင့်တို့ကို ချိတ်ဆက်ထားဖို့လိုပါတယ်။
တကယ်လို့ WavePay အကောင့်နဲ့ ရိုးမဘဏ်SMART အကောင့်တွေကိုချိတ်ဆက်ထားပြီးရင်တော့ –
၁။ အရင်ဆုံး WavePay app ကိုဖွင့်ပါ။ ပင်မစာမျက်နှာမှာရှိတဲ့ “ငွေသွင်း/ထုတ်”ကိုနှိပ်ပါ။
၂။ “ငွေသွင်း” ကိုနှိပ်ပါ။
၃။ “ဘဏ်အကောင့်” ကိုနှိပ်ပါ။
၄။ “Yoma Bank” ကို နှိပ်ပါ။
၅။ လွှဲလိုတဲ့ ငွေပမာဏကို ရိုက်ထည့်ပြီး “ဆက်လုပ်ပါ” ကို နှိပ်ပါ။
၆။ အတည်ပြုတဲ့ စာမျက်နှာပေါ်လာတဲ့အခါ “ဆက်လုပ်ပါ” ကို နှိပ်ပါ။
၇။ WavePay အကောင့်ရဲ့ PIN နံပါတ် ၄လုံးရိုက်ထည့်ပြီးရင်တော့ ငွေလွှဲလုပ်ငန်းစဉ်ပြီးမြောက်သွားပါပြီ။
ပြီးမြောက်သွားတဲ့ လုပ်ငန်းစဉ်တွေကို ပင်မစာမျက်နှာက “စာရင်း” မှာ ပြန်လည်ကြည့်ရှုနိုင်ပါတယ်။ တကယ်လို့ WavePay အကောင့်က ရိုးမဘဏ်SMART အကောင့်နဲ့ မချိတ်ရသေးဘူးဆိုရင်လည်း Yoma Mobile Banking အက်ပလီကေးရှင်းကတစ်ဆင့် WavePay အကောင့်ထဲကို ငွေလွှဲလို့လည်းရပါတယ်။
KBZ အကောင့်ကနေ WavePay အကောင့်ကို ငွေလွှဲမယ်ဆိုရင်
၁။ အရင်ဆုံး WavePay app ကိုဖွင့်ပါ။ ပင်မစာမျက်နှာမှာရှိတဲ့ “ငွေသွင်း/ထုတ်”ကိုနှိပ်ပါ။
၂။ “ငွေသွင်း” ကိုနှိပ်ပါ။ ၃။ “KBZ Bank” ကိုနှိပ်ပြီး KBZ mBanking ထဲကိုဝင်လိုက်ပါ။
၄။ “QuickPay” ကိုနှိပ်ပါ။
၅။ “Wave Money” ကိုရှာပါ။
၆။ လိုအပ်တဲ့အချက်အလက်တွေပြည့်စုံမှန်ကန်အောင်ဖြည့်ပြီး “လုပ်ဆောင်မည်”ကိုနှိပ်ပါ။
၇။ ငွေလွှဲလုပ်ဆောင်မှုအတည်ပြုစာမျက်နှာပေါ်လာတဲ့အခါ “အတည်ပြုမည်”ကိုနှိပ်ပါ။
၈။ ငွေလွှဲလုပ်ငန်းစဉ်ပြီးမြောက်သွားပါပြီ။
WavePay အကောင့်ထဲကနေ ရိုးမဘဏ် SMART အကောင့် ကို ငွေလွှဲမယ်ဆိုရင် WavePayအကောင့် နဲ့ ရိုးမဘဏ် SMART အကောင့်တို့ကို ချိတ်ဆက်ထားဖို့လိုပါတယ်။
တကယ်လို့ WavePay အကောင့်နဲ့ ရိုးမဘဏ်SMART အကောင့်တွေကိုချိတ်ဆက်ထားပြီးရင်တော့
၁။ အရင်ဆုံး WavePay app ကိုဖွင့်ပါ။ ပင်မစာမျက်နှာမှာရှိတဲ့ “ငွေသွင်း/ထုတ်”ကိုနှိပ်ပါ။
၂။ “ငွေထုတ်” ကိုနှိပ်ပါ။
၃။ “ဘဏ်အကောင့်” ကိုနှိပ်ပါ။
၄။ “Yoma Bank” ကို နှိပ်ပါ။
၅။ လွှဲလိုတဲ့ ငွေပမာဏကို ရိုက်ထည့်ပြီး “ဆက်လုပ်ပါ” ကို နှိပ်ပါ။
၆။ အတည်ပြုတဲ့ စာမျက်နှာပေါ်လာတဲ့အခါ “ဆက်လုပ်ပါ” ကို နှိပ်ပါ။
၇။ WavePay အကောင့်ရဲ့ PIN နံပါတ် ၄လုံးရိုက်ထည့်ပြီးရင်တော့ ငွေလွှဲလုပ်ငန်းစဉ်ပြီးမြောက်သွားပါပြီ။
ပြီးမြောက်သွားတဲ့ လုပ်ငန်းစဉ်တွေကို ပင်မစာမျက်နှာက “စာရင်း” မှာ ပြန်လည်ကြည့်ရှုနိုင်ပါတယ်။
WavePay အကောင့်ထဲကငွေကို ရိုးမဘဏ် SMART အကောင့်ထဲ လွှဲပြီးသွားပြီဖြစ်လို့ နီးစပ်ရာ ရိုးမဘဏ် ATM နဲ့ အခြား ဘဏ်များရဲ့ ATM တွေမှာ ရိုးမဘဏ် SMART ကတ် သုံးပြီး ငွေသား ထုတ်ယူနိုင်ပါပြီ။ တကယ်လို့ မိတ်ဆွေရဲ့ WavePay အကောင့်က ရိုးမဘဏ်SMART အကောင့်နဲ့ မချိတ်ထားဘူးဆိုရင် ဒီဝန်ဆောင်မှုကိုတော့ သုံးလို့ရမှာမဟုတ်ပါဘူး။
WavePay နဲ့ ဘတ်စ်ကားလက်မှတ်ဝယ်မယ်ဆိုရင် WavePay အကောင့်ရှိဖို့လိုပါတယ်နော်။ Wi-Fi သို့မဟုတ် မိုဘိုင်းဒေတာ ရှိဖို့လည်းလိုပါတယ်။
၁။ ပထမဆုံး WavePay app ကို ဖွင့်ပါ။ ပင်မစာမျက်နှာမှာရှိတဲ့ “လက်မှတ်” ကိုနှိပ်ပါ။
၂။ MMBusTicket, Elite Express နဲ့ Oway စတာတွေထဲက ကြိုက်နှစ်သက်ရာ လက်မှတ်ဝန်ဆောင်မှုကိုရွေးချယ်ပါ။
၃။ မိတ်ဆွေတို့ ခရီးသွားလိုတဲ့ နေရာ နဲ့ နေ့ရက်တွေကို ရွေးချယ်ပါ။
၄။ မိတ်ဆွေရဲ့ နာမည်၊ ဆက်သွယ်ရမယ့်ဖုန်းနံပါတ် နဲ့ လိုအပ်တဲ့ အချက်အလက်တွေ ကိုပြည့်စုံအောင်ဖြည့်ပြီး “Proceed to WavePay”ကို နှိပ်ပါ။
၅။ ခရီးစဉ်အချက်အလက်ကို သေချာပြန်စစ်ပြီး အတည်ပြုပါ။
၆။ WavePay ကတစ်ဆင့် ဝယ်ယူဖို့ “Continue” ကို နှိပ်ပါ။ မိတ်ဆွေရဲ့ WavePay PIN နံပါတ် ၄ လုံးကို ရိုက်ပြီးရင်တော့ လက်မှတ်ဝယ်ယူတာအောင်မြင်ပါပြီ။
မိတ်ဆွေရဲ့ လက်မှတ်ကိုတော့ သက်ဆိုင်ရာ ခရီးသွားအေးဂျင့်က အီးမေးလ် က ဖြစ်စေ၊ Viber ကဖြစ်စေ ပို့ပေးသွားမှာဖြစ်ပါတယ်။
WavePay နဲ့ လေယာဉ်လက်မှတ်တွေဝယ်တော့မယ်ဆိုရင် WavePay အကောင့်ရှိဖို့လိုပါတယ်နော်။ Wi-Fi သို့မဟုတ် မိုဘိုင်းဒေတာ ရှိဖို့လည်းလိုပါတယ်။
၁။ ပထမဆုံး WavePay app ကို ဖွင့်ပါ။ ပင်မစာမျက်နှာမှာရှိတဲ့ “လက်မှတ်” ကိုနှိပ်ပါ။
၂။ Flymya နဲ့ Oway စတာတွေထဲက ကြိုက်နှစ်သက်ရာ လက်မှတ်ဝန်ဆောင်မှုကိုရွေးချယ်ပါ။
၃။ မိတ်ဆွေတို့ ခရီးသွားလိုတဲ့ နေရာ နဲ့ နေ့ရက်တွေကို ရွေးချယ်ပြီး “Search” ကိုနှိပ်ပါ။
၄။ စီးနင်းလိုတဲ့ လေယာဉ်နဲ့အချိန်ကိုရွေးဖို့ “Choose” ကိုနှိပ်ပါ။
၅။ မိတ်ဆွေရဲ့ နာမည်၊ ဆက်သွယ်ရမယ့်ဖုန်းနံပါတ် နဲ့ လိုအပ်သည့် အချက်အလက်တွေ ကိုပြည့်စုံအောင်ဖြည့်ပါ။
၆။ ပြီးရင် “Pay And Book” ကိုနှိပ်ပါ။
၇။ ဘိုကင်တင်ဖို့ အတည်ပြုပေးပါ။
၈။ WavePay ကတစ်ဆင့် ဝယ်ယူဖို့ “ဆက်လုပ်ပါ” ကို နှိပ်ပါ။
၉။ မိတ်ဆွေရဲ့ WavePay PIN နံပါတ် ၄ လုံးကို ရိုက်ပြီး “ယခုပေးချေပါ” ကို နှိပ်ပါ။
၁၀။ လေယာဉ်လက်မှတ်ဝယ်ယူတာအောင်မြင်ပါပြီ။ မိတ်ဆွေရဲ့ လက်မှတ်ကိုတော့ သက်ဆိုင်ရာ ခရီးသွားအေးဂျင့်က အီးမေးလ် က ဖြစ်စေ၊ Viber ကဖြစ်စေ ပို့ပေးသွားမှာဖြစ်ပါတယ်။
WavePay နဲ့ ဟိုတယ် ဘိုကင်တွေတင်တော့မယ်ဆိုရင် WavePay အကောင့်ရှိဖို့လိုပါတယ်နော်။ Wi-Fi သို့မဟုတ် မိုဘိုင်းဒေတာ ရှိဖို့လည်းလိုပါတယ်။
၁။ ပထမဆုံး WavePay app ကို ဖွင့်ပါ။ ပင်မစာမျက်နှာမှာရှိတဲ့ “လက်မှတ်”ကိုနှိပ်ပါ။
၂။ ဟိုတယ် Booking တင်ဖို့ကတော့ LODGGY နဲ့ Oway ထဲက ကြိုက်နှစ်သက်ရာဝန်ဆောင်မှုကိုရွေးချယ်ပါ။ ဟိုတယ် Booking တင်ပြီးတာအတွက် ငွေပေးချေဖို့ သီးသန့်ဆိုရင် LODGGY ကို ရွေးချယ်နိုင်ပြီး အခုမှ ဟိုတယ် booking စတင်ပြီး ငွေပေးချေဖို့အတွက်ဆိုရင်တော့ Oway ကိုရွေးချယ်နိုင်ပါတယ်။
၃။ Oway နဲ့ ဟိုတယ် booking တင်ဖို့အတွက် Oway ရဲ့ ပင်မစာမျက်နှာမှာရှိတဲ့ “ဟိုတယ်များ” ကိုနှိပ်ပါ။
၄။ မိတ်ဆွေ တည်းခိုမယ့် မြို့၊ နေ့ရက် နဲ့ နိုင်ငံသားကို ရွေးချယ်ပြီး “ရှာရန်” ကိုနှိပ်ပါ။
၅။ စိတ်ကြိုက် ဟိုတယ်ကို တွေ့ပြီဆိုရင် “Select” ကိုနှိပ်ပါ။
၆။ ဟိုတယ်အတွက် လိုအပ်တဲ့ အချက်အလက်တွေဖြည့်ပြီး “Confirm” ကိုနှိပ်ပါ။
၇။ အတည်ပြုတဲ့စာမျက်နှာပေါ်လာတဲ့အခါဖြည့်စွက်ထားတဲ့ အချက်အလက်တွေ မှန်မမှန်ပြန်စစ်ပြီး “Continue” ကိုနှိပ်ပါ။
၈။ Checkout Type ကို ရွေးချယ်ပြီး “Continue” ကိုနှိပ်ပါ။
၉။ Booking တင်ဖို့အတွက် လိုအပ်တဲ့ ကိုယ်ပိုင်အချက်အလက်တွေကို မှန်ကန်စွာဖြည့်ပြီး “Continue” ကိုနှိပ်ပါ။
၁၀။ Payment Type မှာ Mobile Payment ကို ရွေးပြီး “Continue To Pay” ကိုနှိပ်ပါ။
၁၁။ မိတ်ဆွေရဲ့ WavePay အကောင့်ဖွင့်ထားတဲ့ ဖုန်းနံပါတ်ကိုထည့်ပြိး “Submit” ကိုနှိပ်ပါ။
၁၂။ အတည်ပြုတဲ့စာမျက်နှာပေါ်လာရင် “ဆက်လုပ်ပါ” ကိုနှိပ်ပါ။
၁၃။ မိတ်ဆွေရဲ့ WavePay အကောင့် PINနံပါတ် ၄လုံးကို ထည့်ပြီး “ယခုပေးချေပါ” ကိုနှိပ်ပြီးရင်တော့ ဟိုတယ် booking တင်တာနဲ့ ငွေပေးချေတာ အောင်မြင်သွားပါပြီ။ မိတ်ဆွေရဲ့ ဘိုကင်ကိုတော့ သက်ဆိုင်ရာ ခရီးသွားအေးဂျင့်က အီးမေးလ် က ဖြစ်စေ၊ Viber ကဖြစ်စေ ပို့ပေးသွားမှာဖြစ်ပါတယ်။
WavePay သုံးပြီး ပွဲလက်မှတ်တွေဝယ်မယ်ဆိုရင် WavePay အကောင့်ရှိဖို့လိုပါတယ်နော်။ Wi-Fi သို့မဟုတ် မိုဘိုင်းဒေတာ ရှိဖို့လည်းလိုပါတယ်။
ပွဲလက်မှတ်တွေဝယ်ချင်တယ်ဆိုရင် –
၁၊ ပထမဆုံးWavePay app ကို ဖွင့်ပါ။ ပင်မစာမျက်နှာရှိတဲ့ “လက်မှတ်” ကိုနှိပ်ပါ။
၂။ ပြီးရင် “ပွဲလက်မှတ်” ကိုနှိပ်လိုက်ပါ။
၃။ myanpwel ရဲ့ စာမျက်နှာကိုရောက်သွားပါမယ်။
၄။ လိုချင်တဲ့လက်မှတ် နဲ့ အရေအတွက်ကို ရွေးချယ်ပြီး “Proceed To Payment” ကို နှိပ်ပါ။
၅။ လိုအပ်တဲ့ အချက်အလက် တွေကို ဖြည့်စွက်ပြီး “Pay Now” ကိုနှိပ်ပါ။
၆။ ငွေပေးချေမှုဆက်လက်လုပ်ဆောင်ရမယ့် စာမျက်နှာပေါ်လာရင် “Continue” ကိုနှိပ်ပါ။
မိတ်ဆွေရဲ့ WavePay PIN နံပါတ် ၄ လုံးကို ရိုက်ပြီးရင်တော့ ပွဲလက်မှတ်ဝယ်တာအောင်မြင်ပါပြီ။ Myanpwel က မိတ်ဆွေရဲ့ ပွဲလက်မှတ်ကို အီးမေးလ် ကတစ်ဆင့် ပို့ပေးသွားမှာဖြစ်ပါတယ်။
WavePay သုံးပြီး အလှူဒါနတွေလုပ်မယ်ဆိုရင် WavePay အကောင့်ရှိဖို့လိုပါတယ်နော်။ Wi-Fi သို့မဟုတ် မိုဘိုင်းဒေတာ ရှိဖို့လည်းလိုပါတယ်။
၁။ ပထမဆုံးWavePay app ကို ဖွင့်ပါ။ ပင်မစာမျက်နှာရှိတဲ့ “အခြား” ကိုနှိပ်ပါ။
၂။ လှူဒါန်းလိုတဲ့အဖွဲ့အစည်းကို ရှာပြီး ရွေးချယ်ပါ။
၃။ လိုအပ်တဲ့အချက်အလက်တွေဖြည့်ပြီး “ဆက်လုပ်ပါ” ကိုနှိပ်ပါ။
၄။ အတည်ပြုတဲ့စာမျက်နှာပေါ်လာတဲ့အခါ “ဆက်လုပ်ပါ” ကိုနှိပ်ပါ။
၅။ မိတ်ဆွေရဲ့ WavePay PIN ၄လုံးကိုရိုက်ပြီးရင် “ယခုပေးချေပါ” ကိုနှိပ်ပါ။
၆။ လှူဒါန်းမှုအောင်မြင်သွားပါပြီ။ WavePay ကတစ်ဆင့် ဓမ္မရောင်ခြည်၊ နှင်းဆီကုန်း၊ M2030၊ နာရေးကူညီမှုအသင်း (FFSS)၊ ဖောင်တော်ဦး၊ သာသနာ့ပျိုးဥယျာဉ်၊ ခုခံအားကျဆင်းမှု ကာကွယ်ရေးနှင့် ပြုစုစောင့်ရှောက်ရေး ဂေဟာ (NAC) နဲ့ Yangon Canine Foundation စတဲ့အကျိုးပြုအဖွဲ့အစည်းတွေကို ရွေးချယ်ပြီး လှူဒါန်းနိုင်ပါတယ်။
WavePay သုံးပြီး ဘေပေးဆောင်မယ်ဆိုရင်တော့WavePay အကောင့်ရှိဖို့လိုပါတယ်နော်။ Wi-Fi သို့မဟုတ် မိုဘိုင်းဒေတာ ရှိဖို့လည်းလိုပါတယ်။
၁။ ပထမဆုံးWavePay app ကို ဖွင့်ပါ။ ပင်မစာမျက်နှာရှိတဲ့ “အခြား” ကိုနှိပ်ပါ။
၂။ ဘေပေးဆောင်လိုတဲ့ဝန်ဆောင်မှုကိုရှာပါ။
၃။ နောက်ပြီး ပေးချေလိုသည့်ဝန်ဆောင်မှုကို ရွေးပြီး လိုအပ်တဲ့ အချက်အလက်များကို မှန်ကန်စွာဖြည့်ပါ။
၄။ ဘေပေးဆောင်တာဆက်လက်လုပ်ဆောင်နိုင်ဖို့ “ဆက်လုပ်ပါ” ကို နှိပ်ပါ။
၅။ မိတ်ဆွေရဲ့ WavePay PIN နံပါတ် ၄ လုံးကို ရိုက်ထည့်ပြီး “ယခုပေးချေပါ” ကိုနှိပ်ပါ။
၆။ မိတ်ဆွေရဲ့ ဘေပေးဆောင်မှု အောင်မြင်ပါပြီ။ ပြီးမြောက်သွားတဲ့ လုပ်ငန်းစဉ်တွေကို ပင်မစာမျက်နှာက “စာရင်း” မှာ ပြန်လည်ကြည့်ရှုနိုင်ပါတယ်။
WavePay သုံးပြီးချေးငွေပေးချေမယ်ဆိုရင်တော့ WavePay အကောင့်ရှိဖို့လိုပါတယ်နော်။ Wi-Fi သို့မဟုတ် မိုဘိုင်းဒေတာ ရှိဖို့လည်းလိုပါတယ်။
၁။ အရင်ဆုံး WavePay app ကိုဖွင့်ပါ။ ပင်မစာမျက်နှာမှာ ရှိတဲ့ “ချေးငွေ” ကိုနှိပ်ပါ။
၂။ မိတ်ဆွေပေးလိုတဲ့ ချေးငွေဝန်ဆောင်မှုကိုနှိပ်ပါ။
၃။ လိုအပ်တဲ့ အချက်အလက်တွေကိုဖြည့်ပြီး “ဆက်လုပ်ပါ” ကိုနှိပ်ပါ။
၄။ အတည်ပြုဖို့စာမျက်နှာပေါ်လာတဲ့အခါ “ဆက်လုပ်ပါ” ကိုနှိပ်ပါ။
၅။ မိတ်ဆွေရဲ့ WavePay PIN ၄ လုံးကို ရိုက်ပြီးရင်တော့ “ယခုပေးချေပါ” ကိုနှိပ်ပါ။
၆။ ချေးငွေပေးချေတဲ့ လုပ်ငန်းစဉ် အောင်မြင်ပါပြီ။ ပြီးမြောက်သွားတဲ့ လုပ်ငန်းစဉ်တွေကို ပင်မစာမျက်နှာက “စာရင်း” မှာ ပြန်လည်ကြည့်ရှုနိုင်ပါတယ်။
WavePay အက်ပလီကေးရှင်းထဲကို ပထမဆုံး ဝင်ရောက်ဖို့အတွက် WavePay အကောင့်ရဲ့ PIN နံပါတ် ၄လုံးကို ရိုက်ထည့်ရမှာပါ။ အကောင့်ထဲကို တစ်ကြိမ်ဝင်ပြီးရင် နောက်ထပ် ဝင်တဲ့အခါ PINနံပါတ်ကို ထပ်ရိုက်စရာမလိုပါဘူး။ ဒါပေမယ့် အကောင့်လုံခြုံရေးအတွက် စိတ်ချရအောင် ငွေပေးချေတိုင်း PINနံပါတ် ၄လုံးကို ရိုက်ထည့်ပေးရမှာပါ။
OTP၊ ယာယီPINနံပါတ်၊ လျှို့ဝှက်နံပါတ် နဲ့ WavePay အကောင့်ရဲ့ PIN နံပါတ် ၄လုံး တွေကို ဘယ်သူ့ကိုမှ မပြောပြရပါဘူး။ မိမိ WavePay အကောင့်နဲ့ပတ်သက်သော screenshot ကို social media အပေါ်မတင်ပါနဲ့။
WavePay အကောင့်ထဲကို ငွေသွင်း သို့မဟုတ် အကောင့်ထဲကငွေထုတ်တဲ့အခါ WavePay အကောင့်ဖွင့်ထားတဲ့ ဖုန်းနံပါတ်ကို ပြောပြရမှာဖြစ်ပါတယ်။
Wave Money call center က မိတ်ဆွေတို့ကို ဆက်သွယ်တဲ့အခါ တယ်လီနောအသုံးပြုသူတွေဆိုရင် 900 နဲ့ တခြားအော်ပရေတာသုံးတဲ့သူတွေဆိုရင် 09790009000 နံပါတ်တွေနဲ့ပဲ ဆက်သွယ်ပါတယ်။ တကယ်လို့ မိတ်ဆွေက ဆက်သွယ်ခဲ့ရင် သို့မဟုတ် မိတ်ဆွေကို ဆက်သွယ်လာတဲ့အခါ အပြာရောင်အမှန်ခြစ်ပါတဲ့ Wave Money ရဲ့ official Facebook Messenger ကသာ အစစ်အမှန်ဆိုတာကို သတိပြုပေးစေလိုပါတယ်။ အရေးကြီးဆုံးက Wave Money call center က မိတ်ဆွေရဲ့ ကိုယ်ပိုင်အချက်အလက်၊ OTP နဲ့ PINနံပါတ် ၄လုံးကို မေးမြန်းစုံစမ်းခြင်းမရှိပါဘူး။ အကယ်၍ တစ်စုံတစ်ယောက်က မေးမြန်းလာခဲ့ရင်လည်း မိတ်ဆွေအနေနဲ့ မပြောပြမိဖို့ တိုက်တွန်းလိုပါတယ်။
WavePay အကောင့်ရှိပြီးတဲ့ မိတ်ဆွေတွေ မိမိအကောင့်ကို ဖုန်းအသစ်မှာ ဝင်လိုက်တဲ့အခါ သို့မဟုတ် WavePay အက်ပလီကေးရှင်းကို ဖျက်ပြီး ဖုန်းထဲကို ပြန်ထည့်ပြီးမှ မိမိအကောင့်ထဲကို ပြန်ဝင်ရောက်တဲ့အခါ ရိုက်ထည့်နိုင်ဖို့ Wave Money က အလိုအလျောက်ပြန်ပို့ပေးတဲ့ ယာယီလျှို့ဝှက်ဂဏန်း ၆ လုံးဖြစ်ပါတယ်။ မိတ်ဆွေတစ်ဦးတည်းပဲ သိသင့်တဲ့လျှို့ဝှက်နံပါတ်ဖြစ်တာကြောင့် ဘယ်သူ့ကိုမှ မပြောပြမိဖို့လည်း အရေးကြီးပါတယ်။
WavePay စသုံးတဲ့ မိတ်ဆွေတွေ အကောင့်ထဲပထမဆုံးဝင်ရောက်တဲ့အခါမှာသော်လည်းကောင်း၊ WavePay အကောင့်ရဲ့ PIN နံပါတ်၄လုံး ပြောင်းတဲ့အခါမှာသော်လည်းကောင်း အကောင့်ထဲဝင်ဖို့အတွက် Wave Money က အလိုအလျောက်ပို့ပေးတဲ့ ယာယီ PIN နံပါတ်ဖြစ်ပါတယ်။ ယာယီ PIN နံပါတ် က ဂဏန်း ၄လုံးရှိပြီး မိတ်ဆွေတစ်ဦးတည်းပဲ သိသင့်တဲ့လျှို့ဝှက်နံပါတ်ဖြစ်တာကြောင့် ဘယ်သူ့ကိုမှ မပြောပြမိဖို့လည်း အရေးကြီးပါတယ်။
WavePay အကောင့်မရှိတဲ့သူဆီ Wave Money ဆိုင်ကနေ ဖြစ်ဖြစ်၊ WavePay အကောင့်ထဲကနေဖြစ်ဖြစ် ငွေလွှဲတဲ့အခါ လျှို့ဝှက်နံပါတ် (Secret Code) ကို လိုအပ်ပါတယ်။ အကယ်၍ Wave Money ဆိုင်ကနေ တစ်ဆင့် ငွေလွှဲမယ်ဆိုရင် ဒီ လျှို့ဝှက်နံပါတ်ပါတဲ့ မက်ဆေ့ချ်ကို ငွေလွှဲသူက အလိုအလျောက်ရမှာဖြစ်ပါတယ်။ တကယ်လို့ ငွေလွှဲသူက WavePay အကောင့်ထဲက လွှဲမယ်ဆိုရင်တော့ လျှို့ဝှက်နံပါတ်ကို ငွေလွှဲသူကိုယ်တိုင်သတ်မှတ်ရမှာဖြစ်ပါတယ်။
WavePay အကောင့်ရဲ့ PIN နံပါတ် ၄လုံးကို WavePay အကောင့်ထဲဝင်တဲ့အခါ သို့မဟုတ် WavePay အက်ပလီကေးရှင်းသုံးပြီး ငွေပေးချေမှု အမျိုးမျိုးပြုလုပ်တဲ့အခါ လိုအပ်ပါတယ်။
အောက်တိုဘာ ၁၄ရက်ရနေ့မှစပြီး WavePay Version (1.4) ကို Google Play Store မှာ ရယူနိုင်ပါသည်။
– “အကောင့်တစ်ခု ဖုန်းတစ်လုံးစနစ်”
– မူလဖုန်းကို အတည်ပြုသတ်မှတ်ရန် ခွင့်ပြုချက်တောင်းခံရခြင်း
– ခွင့်ပြုချက်ပြီးဆုံးသည်နှင့် WavePay အကောင့်တစ်ခုသည် ဖုန်းတစ်ခုထဲ၌သာ Log-In ဝင်နိုင်ခြင်း
– ခွင့်ပြုထားသော မူလဖုန်းသည် အခြားဖုန်းများမှ login တောင်းဆိုချက်များကိုရလိမ့်မည်။ (သင့်ဖုန်းမှ ခွင့်ပြုချက်မရဘဲ လိမ်လည်သူသည် OTP နှင့် PIN ကိုမတော်တဆသိသော်လည်း ဝင်ရောက်ခြင်း မပြုနိုင်ပါ။)
– မရှိပါ။
ကျေးဇူးပြုပြီး WavePayဗားရှင်း 1.4 ကို ဒေါင်းလုတ်လုပ်ပြီး သင်၏ WavePay အကောင့်ကို Log-In ဝင်ပါ။
OTP နှင့် PIN ရပြီးနောက် လက်ရှိဖုန်းကို အတည်ပြုဖုန်းအဖြစ် ခွင့်ပြုသတ်မှတ်ရန် “အကောင့်တစ်ခု ဖုန်းတစ်လုံးစနစ်” တောင်းဆိုသော စာမျက်နှာကို တွေ့ရပါမယ်။ ထိုတောင်းဆိုမှုကို ခွင့်ပြုပြီးတဲ့အခါ မိမိရဲ့ လက်ရှိဖုန်းသည် အတည်ပြုဖုန်း (မူလဖုန်း) ဖြစ်လာပါမယ်။
ပထမဆုံးအနေနဲ့ WavePay အကောင့်ကို ဖုန်းအသစ်မှာ Login ဝင်ပြီး ခွင့်ပြုချက်တောင်းခံပါ။
ဖုန်းအသစ်မှာ OTP နှင့် PIN ရိုက်ထည့်ပြီးရင် ခွင့်ပြုချက်တောင်းခံဖို့ မူလဖုန်းကို ပြန်သွားပါ။
မူလဖုန်းမှာ ဖုန်းအသစ်ကို အတည်ပြုဖုန်းအဖြစ်ပြောင်းလဲ သတ်မှတ်ဖို့ ခွင့်ပြုချက်တောင်းခံစာပေါ်လာပါမယ်။
ခွင့်ပြုချက်ပေးလိုက်တာနဲ့ တောင်းဆိုနေသော ဖုန်းအသစ်သည် အတည်ပြုဖုန်း(မူလဖုန်း) ဖြစ်ပါပြီ။
ကျေးဇူးပြု၍ ကျွန်ုပ်တို့၏ call center ၀၉၇၉၀၀၀၉၀၀၀ (သို့) ၉၀၀ သို့ နံနက် ၈ နာရီမှည ၈ နာရီအတွင်း ဖုန်းခေါ်ဆိုပြီး သင်၏ WavePay အကောင့်ကို ယာယီပိတ်သိမ်းရန် အကြောင်းကြားနိုင်ပါသည်။
WavePay အကောင့်များအားလုံး ပိုမိုလုံခြုံစွာ အသုံးပြုနိုင်ဖို့ နည်းပညာအရ “အကောင့်တစ်ခု ဖုန်းတစ်လုံးစနစ်” အား ဗားရှင်း ၁.၄ မှစတင်ပြီး ထည့်သွင်းထားတာဖြစ်သောကြောင့် WavePay အကောင့်တစ်ခုကို မိုဘိုင်းလ် ဖုန်း နှစ်လုံးတွင် တစ်ပြိုင်နက်တည်း အသုံးပြု၍ မရနိုင်ပါ။
လူကြီးမင်းရဲ့ မိုဘိုင်းလ်ဖုန်းက Google Service များကို အပြည့်အဝ အလုပ်မလုပ်တဲ့ (Chinese Devices) များဖြစ်နေခဲ့ရင်လဲ “အကောင့်တစ်ခု ဖုန်းတစ်လုံးစနစ်” တောင်းခံချက်ကို ရရှိမှု ကြန့်ကြာနေတာမျိုး ဖြစ်နိုင်ပါတယ်။ လူကြီးမင်းကိုယ်တိုင်လဲ မိမိ WavePay APP ထဲမှာ ထိုတောင်းခံချက်ကို အလွယ်တကူ ဝင်ရောက်ရှာဖွေနိုင်ပါတယ်။ မိမိ WavePay အကောင့်ထဲရှိ “ဝင်စာ (Inbox)” သို့မဟုတ် “ပြင်ဆင်ရန်” (Setting) တွင် “ယခုဖုန်းကို အသုံးပြုခွင့်ပေးခြင်း“ကို နှိပ်ပါ။ ယခုဖုန်းကို အသုံးပြုခွင့်ပေးရန် “မိုဘိုင်းလ်ဖုန်း Login ခွင့်ပြုချက်“ တောင်းခံမှုကို နှိပ်ပါ။
အကယ်၍ သင်က နောက်ထပ် မိုဘိုင်းလ်ဖုန်းတစ်ခုမှာ “အကောင့်တစ်ခု ဖုန်းတစ်လုံးစနစ်” အသုံးပြုရန် ခွင့်ပြုချက် တောင်းခံတဲ့ စာကို မတော်တဆ ငြင်းပယ်လိုက်ပြီး ထိုငြင်းပယ်မှုကို ပြန်လဲ ပယ်ချလို လျှင်ကျွန်ုပ်တို့၏ call center ၀၉၇၉၀၀၀၉၀၀၀ သို့နံနက် ၈ နာရီမှ ၉၀၀ သို့ ခေါ်ဆိုပြီး အကူအညီရယူနိုင်ပါတယ်။
Android ဗားရှင်း 5.0 နှင့်အထက် (Lollipop)
Android ဗားရှင်း 5.0 နှင့်အထက် (Lollipop)
– မရှိပါ။
လက်ရှိဖုန်းကို အတည်ပြုဖုန်း အဖြစ်သတ်မှတ်လို့ မရဖြစ်နေပါတယ်။ ဘယ်လိုဆက်လုပ်ရမလဲ?
OTP နှင့် PIN ရပြီးနောက် လက်ရှိဖုန်းကို အတည်ပြုဖုန်းအဖြစ် ခွင့်ပြုသတ်မှတ်ရန် တောင်းဆိုသောဖုန်းမျက်နှာပြင်ကို တွေ့ရပါမယ်။ တောင်းဆိုမှုကိုခွင့်ပြုပြီးတဲ့အခါ လက်ရှိဖုန်းသည် အတည်ပြုဖုန်း (မူလဖုန်း) ဖြစ်လာပါမယ်။
မိမိ PIN အသစ်ကိုပြန်လည်သတ်မှတ်ရန် နံနက် ၈ နာရီမှည ၈ နာရီအထိကျွန်ုပ်တို့၏ call center 09790009000 သို့ 900 သို့ခေါ်ပါ
“အကောင့်တစ်ခု ဖုန်းတစ်လုံးစနစ်” ကို ၁.၄ ဗားရှင်းထည့်သွင်းထားတဲ့ မည်သည့်ဖုန်းမှာမှ အတည်မပြုရသေးရင် ဗားရှင်း အဟောင်း ၁.၃.၉ ကို မိမိဖုန်းမှာ ဆက်သုံးလို့ရနိုင်ပါတယ်။
မိမိ မသိရှိတဲ့ အခြား မိုဘိုင်းလ်ဖုန်း တစ်ခုကနေ မိမိဖုန်းထဲ “အကောင့်တစ်ခု ဖုန်းတစ်လုံးစနစ်” တောင်းခံချက်ကို အတည်ပြုပေးရန် စာရောက်ရှိလာပါက လုံးဝ (လုံးဝ) ငြင်းပယ်ရမည်ဖြစ်သည်။ ထိုမှသာလျှင် မိမိ WavePay အကောင့်ကို မိမိတစ်တစ်ယောက်ထဲသာ ဝင်ရောက်နိုင်မည်ဖြစ်သည်။
အောက်တိုဘာ ၁၄ရက်ရနေ့မှစပြီး WavePay Version (1.4) ကို Google Play Store မှာ ရယူနိုင်ပါသည်။
WavePay အကောင့်ရဲ့ PIN နံပါတ် ၄လုံး ကိုပြောင်းမယ်ဆိုရင်
၁) WavePay app ကိုဖွင့်ပြီး ဘယ်ဘက်ဒေါင့်အပေါ်က လိုင်း ၃ခုကိုနှိပ်ပါ။
၂) “ပြင်ဆင်ရန်” ကိုနှိပ်ပါ။
၃) “PIN ပြောင်းရန်” ကိုနှိပ်ပါ။
၄) လက်ရှိသုံးနေတဲ့ လျှို့ဝှက် နံပါတ် ၄လုံးကို ရိုက်ထည့်ပါ။
၅) ပြောင်းချင်တဲ့ PIN နံပါတ် ၄လုံး ကို ရိုက်ထည့်ပါ။
၆) PIN နံပါတ် အသစ်ဖြစ်ကြောင်းအတည်ပြုတဲ့ စာမျက်နှာပေါ်လာရင် “ဆက်လုပ်ပါ”ကိုနှိပ်ပါ။
၇) WavePay အကောင့်ရဲ့ PIN နံပါတ်အသစ် ပြောင်းတာ အောင်မြင်သွားပါပြီ။
ပြောင်းလိုက်တဲ့ PIN နံပါတ်အသစ်က အရင်သုံးဖူးတဲ့ နံပါတ်တွေဖြစ်နေရင်တော့ ပြောင်းလို့ရမှာမဟုတ်ပါဘူး။
WavePay အက်ပလီကေးရှင်းထဲဝင်ကိုဝင်ပြီးသားဖြစ်ပေမယ့် PIN နံပါတ် ၄လုံး ကိုမေ့သွားခဲ့ရင် PIN နံပါတ်အသစ်ကို ပြန်ပြောင်းလို့ရပါတယ်။
၁) WavePay app ကိုဖွင့်ပြီး ဘယ်ဘက်ဒေါင့်အပေါ်က လိုင်း ၃ခုကိုနှိပ်ပါ။
၂) “ပြင်ဆင်ရန်” ကိုနှိပ်ပါ။
၃) “PIN မေ့နေသလား” ကိုနှိပ်ပါ။
၄) Basic အကောင့်သုံးသူက အကောင့်ဖွင့်တုန်းကသုံးတဲ့မွေးနေ့ကိုထည့်ရမှာဖြစ်ပြီး Level 2 အကောင့်သုံးသူက အကောင့်အဆင့်မြှင့်တုန်းကသုံးတဲ့ မှတ်ပုံတင်နံပါတ်ကို ထည့်ပေးရမှာပါ။ ပြီးရင် “ဆက်လုပ်ပါ” ကိုနှိပ်ပါ။
၅) ယာယီ PIN နံပါတ် ၄လုံး ပါတဲ့ မက်ဆေ့ကို ရတဲ့အခါ ဆက်လက်လုပ်ဆောင်ဖို့အတွက် ယာယီPINနံပါတ်ကိုရိုက်ထည့်ပါ။
၆) PINနံပါတ်အသစ်ကိုရိုက်ထည့်ပါ။
၇) PINနံပါတ် အသစ်ဖြစ်ကြောင်းအတည်ပြုတဲ့ စာမျက်နှာပေါ်လာရင် “ဆက်လုပ်ပါ”ကိုနှိပ်ပါ။
၈) PINနံပါတ် အသစ် ပြောင်းတာ အောင်မြင်သွားပါပြီ။
ပြောင်းလိုက်တဲ့ PINနံပါတ်အသစ်က အရင်သုံးဖူးတဲ့ နံပါတ်တွေဖြစ်နေရင်တော့ ပြောင်းလို့ရမှာမဟုတ်ပါဘူး။ “
WavePay အကောင့်ရဲ့ PIN နံပါတ် ၄လုံးကို မေ့သွားခဲ့ရင်
၁) WavePay app ကိုဖွင့်ပါ။
၂) ဘာသာစကားရွေးချယ်ကာ “ဆက်လုပ်ပါ” ကိုနှိပ်ပါ။
၃) WavePay အကောင့်ဖွင့်ထားတဲ့ ဖုန်းနံပါတ်ကို ရိုက်ထည့်ပြီး “ဆက်လုပ်ပါ” ကိုနှိပ်ပါ။
၄) OTP နံပါတ် ၆လုံးပါတဲ့ SMS ကို ရတဲ့အခါ OTP နံပါတ်ကိုရိုက်ထည့်ပါ။
၅) “PIN ထည့်ပါ” ဆိုတဲ့စာမျက်နှာပေါ်လာရင် “PIN မေ့နေသလား” ကိုနှိပ်ပါ။
၆) Basic အကောင့်သုံးသူက အကောင့်ဖွင့်တုန်းကသုံးတဲ့မွေးနေ့ကိုထည့်ရမှာဖြစ်ပြီး Level 2 အကောင့်သုံးသူက အကောင့်အဆင့်မြှင့်တုန်းကသုံးတဲ့ မှတ်ပုံတင်နံပါတ်ကို ထည့်ပေးရမှာပါ။ ပြီးရင် “ဆက်လုပ်ပါ” ကိုနှိပ်ပါ။
၇) ယာယီ PIN နံပါတ် ၄လုံး ပါတဲ့ မက်ဆေ့ကို ရတဲ့အခါ ဆက်လက်လုပ်ဆောင်ဖို့အတွက် ယာယီPINနံပါတ်ကိုရိုက်ထည့်ပါ။
၈) PINနံပါတ်အသစ်ကိုရိုက်ထည့်ပါ။
၉) PINနံပါတ် အသစ်ဖြစ်ကြောင်းအတည်ပြုတဲ့ စာမျက်နှာပေါ်လာရင် “ဆက်လုပ်ပါ”ကိုနှိပ်ပါ။
၁၀) PINနံပါတ် အသစ် ပြောင်းတာ အောင်မြင်သွားပါပြီ။
ပြောင်းလိုက်တဲ့ PINနံပါတ်အသစ်က အရင်သုံးဖူးတဲ့ နံပါတ်တွေဖြစ်နေရင်တော့ ပြောင်းလို့ရမှာမဟုတ်ပါဘူး။ WavePay အကောင့်ကို မသုံးတာ ရက်၃၀ကျော်သွားရင်လည်း အကောင့်က အလိုအလျောက်ထွက်ပြီးသားဖြစ်နေမှာဖြစ်ပါတယ်။
WavePay အကောင့်နဲ့ ရိုးမဘဏ် SMART အကောင့်ကို ဘဏ်သွားဖို့မလိုဘဲ အွန်လိုင်းကနေချိတ်ဆက်မယ်ဆိုရင် WavePay အကောင့် Level 2 နဲ့ ရိုးမဘဏ် SMART အကောင့်ရှိဖို့လိုပါတယ်။ WavePay အကောင့် အဆင့်မြှင့်တုန်းက သုံးခဲ့တဲ့ မှတ်ပုံတင်နံပါတ်က ရိုးမဘဏ် SMART အကောင့်ဖွင့်တုန်းက သုံးခဲ့တဲ့ မှတ်ပုံတင်နံပါတ်နဲ့ ကိုက်ညီဖို့လိုပါတယ်။ OTP နံပါတ် လက်ခံရရှိဖို့အတွက် ရိုးမဘဏ် SMART အကောင့်ဖွင့်တုန်းက သုံးခဲ့တဲ့ ဖုန်းဆင်းကတ်ကလည်း active ဖြစ်နေဖို့လိုပါတယ်။
အွန်လိုင်းကနေချိတ်ဆက်ပုံအဆင့်ဆင့်ကို အောက်မှာ ကြည့်နိုင်ပါတယ်။
၁။ အရင်ဆုံး WavePay App ကို ဖွင့်ပါ။ ပြီးရင် “ငွေသွင်း/ထုတ်” ကိုနှိပ်ပါ။
၂။ “ဘဏ်အကောင့်ချိတ်ရန်” ကိုနှိပ်ပါ။
၃။ “Yoma Bank” ကိုနှိပ်ပါ။
၄။ “ဘဏ်အကောင့်အမျိုးအစား” ထဲက SMART အကောင့်ကို ရွေးပြီး အကောင့်နံပါတ်ကို ထည့်ပါ။ ပြီးရင် “ဆက်လုပ်ရန်” ကိုနှိပ်ပါ။
၅။ အတည်ပြုဖို့ စာမျက်နှာပေါ်လာတဲ့အခါ ဖြည့်စွက်ထားတဲ့ အချက်အလက်တွေ မှန် မမှန် ပြန်စစ်ပါ။ ပြီးရင် “ဆက်လုပ်ရန်” ကိုနှိပ်ပါ။
၆။ WavePay အကောင့် PIN နံပါတ် ၄လုံးကိုရိုက်ထည့်ပါ။
၇။ ယာယီလျှို့ဝှက်နံပါတ် ၆လုံး (OTP)ပါတဲ့ SMS ကို ရိုးမဘဏ် SMART အကောင့်နဲ့ ချိတ်ထားတဲ့ ဖုန်းနံပါတ် ဆီပို့ပေးမှာပါ။ ပြီးရင် OTP နံပါတ်ကို ရိုက်ထည့်ပါ။
၈။ အကောင့်ချိတ်ဆက်တာအောင်မြင်သွားပါပြီ။ တကယ်လို့ WavePay အကောင့်ကို အဆင့်မြှင့်လိုက်တုန်းက တခြား ID ကတ်တွေသုံးခဲ့တယ်ဆိုရင်လည်း နီးစပ်ရာ ရိုးမဘဏ်ခွဲတွေကို ကိုယ်တိုင်သွားရောက်ပြီး WavePay အကောင့်နဲ့ ရိုးမဘဏ် SMART အကောင့်ကို ချိတ်ဆက်နိုင်ပါတယ်။
WavePay အကောင့်နဲ့ ရိုးမဘဏ် SMART အကောင့်ကို ဘဏ်သွားဖို့မလိုဘဲ အွန်လိုင်းကနေ လင့်ခ်ဖြုတ်မယ်ဆိုရင်
၁။ အရင်ဆုံး WavePay App ကို ဖွင့်ပါ။ ပြီးရင် “ငွေသွင်း/ထုတ်” ကိုနှိပ်ပါ။
၂။ “Yoma Bank smart” ကိုနှိပ်ပါ။
၃။ “ဘဏ်အကောင့်နှင့်လင့်ခ်ဖြုတ်ပါ” ကိုနှိပ်ပါ။
၄။ လင့်ခ်ဖြုတ်ဖို့သေချာပြီဆိုရင် “အတည်ပြုရန်” ကိုနှိပ်ပါ။
၅။ WavePay အကောင့် PIN နံပါတ် ၄လုံးကိုရိုက်ထည့်ပြီးရင်တော့ အကောင့်လင့်ခ်ဖြုတ်တာအောင်မြင်သွားပါပြီ။ WavePay အကောင့်နဲ့ ရိုးမဘဏ်SMART အကောင့်ကို လင့်ခ်ပြန်ချိတ်ချင်တယ်ဆိုရင်လည်း အချိန်တိုအတွင်းပြန်လည်ချိတ်ဆက်နိုင်ပါတယ်။
WavePay အသုံးပြုသူများအတွက်ကတော့ မိမိဆီ ငွေရောက်၊မရောက် စစ်ချင်တယ်ဆိုရင် WavePay အက်ပလီကေးရှင်းထဲမှာရှိတဲ့ “စာရင်း”ကိုဝင်ကြည့်နိုင်မှာဖြစ်ပါတယ်။
ငွေလွှဲ/ငွေထုတ်စာရင်းကို WavePay အက်ပလီကေးရှင်း ရဲ့ ပင်မစာမျက်နှာမှာရှိတဲ့ “စာရင်း” မှာဝင်ကြည့်နိုင်ပါတယ်။
WavePay အက်ပလီကေးရှင်း ရဲ့ ပင်မစာမျက်နှာမှာရှိတဲ့ “စာရင်း” ကိုဝင်ကြည့်ပေးပါ။ တကယ်လို့ ငွေလွှဲလုပ်ငန်းစဉ်အောင်မြင်ပြီး မိတ်ဆွေရဲ့အကောင့်ထဲက ငွေနှုတ်သွားသော်လည်း လက်ခံတဲ့သူက ငွေလက်ခံရရှိခြင်းမရှိခဲ့ရင် (၂၄) နာရီဝန်ဆောင်မှုရရှိနိုင်တဲ့ Wave Money Call Center ကိုဆက်သွယ်ပေးပါ။ တယ်လီနောအသုံးပြုသူတွေက 900 ကိုခေါ်ဆိုနိုင်ပြီး တခြားအော်ပရေတာအသုံးပြုတဲ့သူတွေကတော့ 09790009000 ကိုခေါ်ဆိုနိုင်ပါတယ်။ တယ်လီနော နံပါတ်နဲ့ ခေါ်ဆိုရင်တော့ ဖုန်းခေါ်ဆိုခ အခမဲ့ဖြစ်ပါတယ်။ အပြာရောင် အမှန်ခြစ်လေးပါတဲ့ Wave Money official Facebook page ရဲ့ Messenger ကိုလည်းဆက်သွယ်နိုင်ပါတယ်။
WavePay အကောင့်ဖွင့်ထားတဲ့ ဖုန်းဆင်းကတ် ပျောက်ဆုံး (သို့မဟုတ်) ပျက်စီးသွားတဲ့အခါ ထိုဆင်းမ်ကတ်နံပါတ်နဲ့တူညီတဲ့ ဆင်းမ်အသစ်ကို သက်ဆိုင်ရာ မိုဘိုင်းအော်ပရေတာမှာ ပြန်လျှောက်ထားနိုင်ပြီး ဆင်းမ်ကတ်အသစ်ရတဲ့အခါ ရှိပြီးသား WavePay အကောင့်ကို ပြန်လည်ဝင်ရောက်နိုင်ပါတယ်။ ဆင်းမ်ကတ်အသစ်လျှောက်ထားဆဲကာလမှာတော့ မိတ်ဆွေရဲ့ WavePay အကောင့်ကို လုံခြုံရေးအရ ယာယီပိတ်ထားပေးမှာဖြစ်ပါတယ်။ ဆင်းမ်ကတ်အသစ်ရပြီးရင်တော့
မိတ်ဆွေရဲ့ WavePay အကောင့်ပြန်လည်အသုံးပြုဖို့အတွက် ၂၄နာရီဝန်ဆောင်မှုပေးနေတဲ့ Wave Money Call Center ကို ဆက်သွယ်ဆောင်ရွက်နိုင်ပါတယ်။ အကယ်၍ ပျောက်ဆုံး (သို့မဟုတ်) ပျက်စီးသွားတဲ့ ဖုန်းဆင်းမ်ကတ်နဲ့ နံပါတ်တူ ဆင်းမ်ကတ်အသစ်ကို သက်ဆိုင်ရာမိုဘိုင်းအော်ပရေတာမှာ ပြန်လည်လျှောက်ထားဖို့အဆင်မပြေခဲ့ရင် WavePay အကောင့်ဟောင်းထဲက လက်ကျန်ငွေတွေကို ပြန်လည်ပြောင်းထည့်ပေးဖို့အတွက် WavePay အကောင့်အသစ်ဖွင့်ထားရမှာဖြစ်ပါတယ်။ အသစ်ဖွင့်လိုက်တဲ့ အကောင့်ကလည်း Level 2 ဖြစ်နေဖို့လိုအပ်ပါတယ်။ WavePay အကောင့်အသစ်ကို Level 2 မြှင့်ပြီးရင်တော့ အကောင့်ဟောင်း ကိုပိတ်ပြီး အကောင့်အသစ်မှာ လက်ကျန်ငွေတွေလွှဲပြောင်းပေးဖို့အတွက် Wave Money Call Center ကိုဆက်သွယ်ဆောင်ရွက်နိုင်ပါတယ်။ တယ်လီနောဖုန်းသုံးတဲ့သူတွေက 900 ကိုခေါ်ဆိုနိုင်ပြီး တခြားအော်ပရေတာသုံးတဲ့သူတွေကတော့ 09790009000 ကိုခေါ်ဆိုနိုင်ပါတယ်။ တယ်လီနော နံပါတ်နဲ့ ခေါ်ဆိုရင်တော့ ဖုန်းခေါ်ဆိုခ အခမဲ့ပါ။ အပြာရောင် အမှန်ခြစ်လေးပါတဲ့ Wave Money official Facebook page ရဲ့ Messenger ကိုလည်း ဆက်သွယ်ပြီး မေးမြန်းစုံစမ်းနိုင်ပါတယ်။
ငွေလွှဲခ ပမာဏကို အက်ပလီကေးရှင်းထဲမှာရှိတဲ့ “ဝန်ဆောင်ခ” မှာ တွက်ချက်နိုင်ပါတယ်။ Wave Money ရဲ့ official website https://www.wavemoney.com.mm/products-prices/wave-account/using-app/ မှာလည်း ကြည့်ရှုနိုင်ပါတယ်။
Wave အေးဂျင့်တွေအတွက်ကတော့ သီးသန့် အက်ပလီကေးရှင်း ရှိပါတယ်။ Wave အေးဂျင့်လျှောက်ဖို့အတွက် (၂၄) နာရီဝန်ဆောင်မှုရရှိနိုင်တဲ့ Wave Money Call Center ကိုဆက်သွယ်ပေးပါ။ တယ်လီနောအသုံးပြုသူတွေက 900 ကိုခေါ်ဆိုနိုင်ပြီး တခြားအော်ပရေတာသုံးတဲ့သူတွေကတော့ 09790009000 ကိုခေါ်ဆိုနိုင်ပါတယ်။ တယ်လီနော နံပါတ်များနှင့် ခေါ်ဆိုရင်တော့ ဖုန်းခေါ်ဆိုခ အခမဲ့ပါ။ အပြာရောင် အမှန်ခြစ်လေးပါတဲ့ Wave Money official Facebook page ရဲ့ Messenger ကိုဆက်သွယ်ပြီးတော့လည်း လျှောက်နိုင်ပါတယ်။
မရှိပါဘူး။ WavePay ကိုဘယ် အင်တာနက် Network နဲ့မဆို သုံးနိုင်ပါတယ်။ အသင့်အတင့်ကောင်းမွန်တဲ့ အင်တာနက်ကို အသုံးပြုဖို့ အကြံပေးလိုပါတယ်။
WavePay အက်ပလီကေးရှင်း ရဲ့ ပင်မစာမျက်နှာမှာ “Wave ဆိုင်များ” ကို နှိပ်ပြီး မိတ်ဆွေနဲ့ အနီးဆုံးမှာရှိတဲ့ Wave Money ဆိုင်တွေကို ရှာနိုင်ပါတယ်။ Wave Money ရဲ့ official website မှာဆိုရင်တော့ “သင်နှင့်အနီးဆုံးဆိုင်” မှာ ၀င်ရောက်ကြည့်ရှုနိုင်ပါတယ်။
သုံးစွဲသူတွေကြုံတွေ့လာတဲ့ အခက်အခဲတွေကို ကူညီဖြေရှင်းပေးဖို့အတွက် (၂၄) နာရီဝန်ဆောင်မှုရရှိနိုင်တဲ့ Wave Money Call Center ကိုဆက်သွယ်ပေးပါ။ တယ်လီနောဖုန်းသုံးတဲ့သူတွေက 900 ကိုခေါ်ဆိုနိုင်ပြီး တခြားအော်ပရေတာသုံးတဲ့သူတွေကတော့ 09790009000 ကိုခေါ်ဆိုနိုင်ပါတယ်။ အပြာရောင် အမှန်ခြစ်လေးပါတဲ့ Wave Money official Facebook page ရဲ့ Messenger ကိုလည်း ဆက်သွယ်ပြီး မေးမြန်းစုံစမ်းနိုင်ပါတယ်။
မိတ်ဆွေရဲ့ ဝန်ဆောင်မှုတောင်းဆိုချက်အခြေအနေကို သိနိုင်ဖို့ ၂၄နာရီဝန်ဆောင်မှုပေးနေတဲ့ Wave Money Call Center ကို ခေါ်ဆိုပြီး WavePay အကောင့်ဖွင့်ထားတဲ့ဖုန်းနံပါတ် နဲ့ Service Request နံပါတ်ကို ပေးပို့ကာ စစ်ဆေးနိုင်ပါတယ်။ တယ်လီနောအသုံးပြုသူတွေက 900 နဲ့ အခြားအော်ပရေတာအသုံးပြုသူတွေကတော့ 09790009000 ကိုခေါ်ဆိုပြီး စုံစမ်းနိုင်ပါတယ်။
WavePay အကောင့် Level 2 မြှင့်ထားတာ အလုပ်ဖွင့်ရက် ၃ရက်ကျော်သွားပေမယ့် အကောင့်က Basic ပဲဖြစ်နေတဲ့အတွက် ဘယ်လိုလုပ်ရမလဲ?
WavePay အကောင့်ရဲ့ PIN နံပါတ် ၄လုံးကို WavePay အကောင့်ထဲဝင်တဲ့အခါ သို့မဟုတ် WavePay အက်ပလီကေးရှင်းသုံးပြီး ငွေပေးချေမှု အမျိုးမျိုးပြုလုပ်တဲ့အခါ လိုအပ်ပါတယ်။
Wave Money ဆိုတာ မိုဘိုင်းဖုန်းနံပါတ်နဲ့ မှတ်ပုံတင်ရှိရုံဖြင့် မြန်မာနိုင်ငံတစ်၀န်းမှာရှိတဲ့ Wave Money ဆိုင်ပေါင်း ၆၅,၀၀၀ ကျော် ကတစ်ဆင့် အလွယ်တကူ အချိန်မရွေး ငွေလွှဲ၊ ငွေထုတ် ပြုလုပ်နိုင်တဲ့ ငွေကြေး၀န်ဆောင်မှုဖြစ်ပါတယ်။ Wave Money ဆိုင်တွေကနေ ငွေလွှဲ၊ ငွေထုတ်တွေအပြင် ချေးငွေပေးချေခြင်း နဲ့ဘေလ်ဆောင်ခြင်းများလည်းပြုလုပ်နိုင်ပါတယ်။
Wave Money ဆိုင်ကတစ်ဆင့် မြန်မာနိုင်ငံအတွင်းမှာရှိတဲ့ ဘယ်သူ့ကိုမဆို ငွေလက်ခံမယ့်သူရဲ့ ဖုန်းနံပါတ်နဲ့ မှတ်ပုံတင်သိရုံဖြင့် အနီးဆုံးမှာရှိတဲ့ Wave Money ဆိုင်မှာ ငွေလွှဲလို့ရပါတယ်။ ငွေလက်ခံမယ့်သူကို Wave Money က အလိုအလျောက်ပို့ပေးမယ့် လျှို့ဝှက်နံပါတ်ကို ပေးရမှာဖြစ်ပြီး အနီးဆုံးမှာရှိတဲ့ Wave Money
ဆိုင်မှာငွေထုတ်ယူနိုင်မှာဖြစ်ပါတယ်။ လျှို့ဝှက်နံပါတ်ကို ငွေလက်ခံမယ့်သူကလွဲပြီး ဘယ်သူ့ကိုမှမပေးပါနဲ့။ ငွေလက်ခံမယ့်သူက WavePay အကောင့်ရှိရင် Wave Money ဆိုင်မှာ လွှဲလိုတဲ့ ဖုန်းနံပါတ်နဲ့ လွှဲမယ့်ငွေပမာဏကိုပဲ ပြောရမှာ ဖြစ်ပါတယ်။ လွှဲလိုက်တဲ့ငွေက အကောင့်ထဲကို တိုက်ရိုက်ရောက်သွားမှာ ဖြစ်ပြီး အနီးဆုံးမှာရှိတဲ့ Wave Money ဆိုင်မှာ ဖုန်းနံပါတ် ပြောရုံနဲ့ ငွေထုတ်ယူနိုင်မှာ ဖြစ်ပါတယ်။
Wave Money ဆိုင်ကတစ်ဆင့် WavePay အကောင့်မရှိတဲ့သူကိုဖြစ်စေ၊ WavePay အကောင့်ရှိတဲ့သူကိုဖြစ်စေ ငွေလွှဲမယ်ဆိုရင် ငွေလွှဲမယ့်သူက လွှဲတဲ့ ပမာဏအလိုက် ငွေလွှဲခ ပေးရမှာဖြစ်ပါတယ်။ ငွေလက်ခံတဲ့သူက လုပ်ငန်းစဉ်နံပါတ်၊ မှတ်ပုံတင်နံပါတ်နဲ့ လျှို့ဝှက်နံပါတ်တွေသုံးပြီး ငွေထုတ်တဲ့အခါ ငွေထုတ်ခပေးဖို့ မလိုပါဘူး။ ဒါပေမယ့် WavePay အကောင့်ထဲက ငွေထုတ်မယ်ဆိုရင်တော့ ငွေထုတ်ခကို အကောင့်ထဲက ဖြတ်သွားမှာဖြစ်ပါတယ်။
Wave Money ဆိုတာက အကောင့်ဖွင့်ဖို့မလိုဘဲ မှတ်ပုံတင်နဲ့ ဖုန်းနံပါတ်ရှိရုံဖြင့် Wave Money ဆိုင်တွေကတစ်ဆင့် ငွေလွှဲ၊ ငွေထုတ် နဲ့ ချေးငွေပြန်သွင်းတာတွေကို လုပ်ဆောင်ခြင်းဖြစ်ပါတယ်။
WavePay ဆိုတာက Wave Money ရဲ့ မိုဘိုင်းပိုက်ဆံအိတ်ဖြစ်ပါတယ်။ မိတ်ဆွေရဲ့ မိုဘိုင်းဖုန်းမှာ WavePay အကောင့်ဖွင့်ထားဖို့ လိုအပ်ပြီး အင်တာနက်ရှိရုံနဲ့ ငွေလွှဲခြင်း၊ ငွေထုတ်ခြင်း၊ ဘေလ်ပေးဆောင်ခြင်း နဲ့ ဖုန်းငွေဖြည့်ခြင်း အစရှိတဲ့ ငွေကြေး၀န်ဆောင်မှုတွေကို ပြုလုပ်နိုင်ပါတယ်။
ငွေလက်ခံမယ့်သူက WavePay အကောင့်မရှိရင် မှတ်ပုံတင်၊ လုပ်ငန်းစဉ်နံပါတ်နဲ့ လျှို့၀ှက်နံပါတ်တွေကိုသုံးပြီး အနီးဆုံးမှာရှိတဲ့ Wave Money ဆိုင်မှာ ငွေထုတ်နိုင်ပါတယ်။ ငွေလက်ခံမယ့်သူက WavePay အကောင့် ရှိရင် လွှဲလိုက်တဲ့ငွေက ငွေလက်ခံမယ့်သူရဲ့ WavePay အကောင့်ထဲကို တိုက်ရိုက်ရောက်သွားမှာဖြစ်ပြီး ငွေထုတ်ချင်ရင်တော့ နီးစပ်ရာ Wave Money ဆိုင်မှာ ဖုန်းနံပါတ်ပြောရုံနဲ့ ငွေထုတ်နိုင်ပါတယ်။
Wave Money ဆိုင်ကနေ ငွေလွှဲတဲ့အခါ ငွေလက်ခံမည့်သူကလွဲပြီး လျှို့ဝှက်နံပါတ် (Secret Code) ၆လုံး နဲ့ လုပ်ငန်းစဉ်နံပါတ်ကို ဘယ်သူ့ကိုမှ မပြောပြရပါ။
WavePay အကောင့်မရှိတဲ့သူဆီ Wave Money ဆိုင်ကနေ ဖြစ်ဖြစ်၊ WavePay အကောင့်ထဲကနေဖြစ်ဖြစ် ငွေလွှဲတဲ့အခါ Wave Money က ငွေလွှဲတဲ့သူဆီအလိုအလျောက် ပို့ပေးတဲ့ လျှို့ဝှက်နံပါတ် (Secret Code)ကို မက်ဆေ့ချ်ရမှာ ဖြစ်ပါတယ်။ လျှို့ဝှက်နံပါတ် (Secret Code) မှာ ဂဏန်း ၆လုံးရှိပါတယ်။
Wave Money ဆိုင်တွေကတစ်ဆင့် ငွေလွှဲတဲ့အခါ ငွေလက်ခံမယ့်သူရဲ့ ဖုန်းနံပါတ်၊ နာမည်၊ မှတ်ပုံတင်နံပါတ် နဲ့ လွှဲလိုတဲ့ ငွေပမာဏကိုပဲ ပြောပြရမှာဖြစ်ပါတယ်။
Wave Money call center က မိတ်ဆွေတို့ကို ဆက်သွယ်တဲ့အခါ တယ်လီနောအသုံးပြုသူတွေဆိုရင် 900 နဲ့ တခြားအော်ပရေတာသုံးတဲ့သူတွေဆိုရင် 09790009000 နံပါတ်တွေနဲ့ပဲ ဆက်သွယ်ပါတယ်။ တကယ်လို့ မိတ်ဆွေက ဆက်သွယ်ခဲ့ရင် သို့မဟုတ် မိတ်ဆွေကို ဆက်သွယ်လာတဲ့အခါ အပြာရောင်အမှန်ခြစ်ပါတဲ့ Wave Money ရဲ့ official Facebook Messenger ကသာ အစစ်အမှန်ဆိုတာကို သတိပြုပေးစေလိုပါတယ်။ Wave Money call center က မိတ်ဆွေရဲ့ ကိုယ်ပိုင်အချက်အလက်၊ လျှို့ဝှက်နံပါတ် (Secret Code) ၆လုံး နဲ့ လုပ်ငန်းစဉ်နံပါတ်တွေကို မေးမြန်းမှာမဟုတ်သလို တစ်စုံတစ်ယောက်ကမေးလာခဲ့ရင်လည်း မပြောပြမိဖို့ တိုက်တွန်းလိုပါတယ်။
Wave Money ဆိုင်တွေကနေ ငွေလွှဲတဲ့အခါ ငွေလက်ခံမယ့်သူဆီကို လုပ်ငန်းစဉ်အမှတ်ပါတဲ့ SMS က ချက်ချင်းရောက်ပါတယ်။ ငွေလက်ခံမယ့်သူက ငွေလွှဲသူပို့ပေးထားတဲ့ လျှို့ဝှက်နံပါတ် ၆လုံးကို Wave Money ဆိုင်မှာပြောပြပြီး ၂၁ရက်အတွင်း ငွေထုတ်ရန်လိုအပ်ပါတယ်။
မိတ်ဆွေအနေနဲ့ ၂၁ရက်အတွင်း ငွေမထုတ်ဖြစ်ခဲ့ရင်လည်း စိတ်ပူဖို့မလိုပါဘူး။ ၂၁ရက်ကျော်သွားတဲ့ လုပ်ငန်းစဉ်တွေအတွက် ၂၄နာရီဝန်ဆောင်မှုပေးနေတဲ့ Wave Money call center ကို တယ်လီနောအသုံးပြုသူတွေက 900 နဲ့ အခြားအော်ပရေတာ အသုံးပြုသူတွေက 09790009000ကို ဆက်သွယ်ပြီး ငွေထုတ်ယူရန်အတွက် လိုအပ်တဲ့အကူအညီများရယူနိုင်ပါတယ်။
Wave Money ဆိုင်မှာ ငွေလွှဲလုပ်ငန်းစဉ်တစ်ကြိမ်ကို အများဆုံး ၃,၀၀၀,၀၀၀ ကျပ်အထိ လွှဲနိုင်ပါတယ်။
Wave Money ဆိုင်ကနေတစ်ဆင့် AEON, Fullerton Myanmar, Rent2Own, Imperial Myanmar Finance, Mahar Bawga, JRC Company, Star Moe Yan, GL-AMMK, MRHF, Pristine Global, Win Finance စတဲ့ ကုမ္ပဏီတွေကို ဘေလ်ပေးဆောင်တာနဲ့ ချေးငွေပေးချေတာတွေ လုပ်နိုင်ပါတယ်။
Wave Money ဆိုင်တိုင်းမှာ Wave Money ဆိုင်းဘုတ်လေးတွေ ချိတ်ဆွဲထားပါတယ်။
၂၄ နာရီဝန်ဆောင်မှုပေးနေတဲ့ Wave Money Call Center ကိုဆက်သွယ်နိုင်ပါတယ်။ တယ်လီနောအသုံးပြုသူတွေက 900 ကိုခေါ်ဆိုနိုင်ပြီး တခြားအော်ပရေတာအသုံးပြုတဲ့သူတွေကတော့ 09790009000 ကိုခေါ်ဆိုနိုင်ပါတယ်။ တယ်လီနော နံပါတ်နဲ့ ခေါ်ဆိုရင်တော့ ဖုန်းခေါ်ဆိုခ အခမဲ့ဖြစ်ပါတယ်။ အပြာရောင် အမှန်ခြစ်လေးပါတဲ့ Wave Money official Facebook page ရဲ့ Messenger ကိုလည်းဆက်သွယ်နိုင်ပါတယ်။
Wave Money ဆိုင်ကတစ်ဆင့် ငွေလွှဲပြီးမှ လျှို့ဝှက်နံပါတ် ၆လုံးပါတဲ့ မက်ဆေ့ချ်ကို ဖျက်မိသွားခဲ့ရင် ငွေလွှဲသူက ငွေလွှဲလိုက်တဲ့ Wave Money ဆိုင်မှာပဲ လျှို့ဝှက်နံပါတ်အသစ်၆လုံးကို ပြောင်းပေးဖို့ တောင်းဆိုနိုင်သလို၂၄နာရီ ဝန်ဆောင်မှုပေးနေတဲ့ Wave Money Call Center ကိုလည်း ဆက်သွယ်ပြီး အကူအညီရယူနိုင်ပါတယ်။ လျှို့ဝှက်နံပါတ်အသစ်ရရင် ငွေလက်ခံမယ့်သူကို တိုက်ရိုက် ပြန်ပေးနိုင်ပါတယ်။ Wave Money Call Center ကို ဆက်သွယ်မယ်ဆိုရင် တယ်လီနောဖုန်းသုံးတဲ့သူတွေက 900 နဲ့ တခြားအော်ပရေတာသုံးတဲ့သူတွေကတော့ 09790009000 ဆိုတဲ့ နံပါတ်တွေကို ခေါ်ဆိုပြီး မေးမြန်းနိုင်သလို အပြာရောင် အမှန်ခြစ်လေးပါတဲ့ Wave Money official Facebook page ရဲ့ Messenger ကိုလည်း ဆက်သွယ်ပြီး အကူအညီတောင်းနိုင်ပါတယ်။
Help Center မှာ မိတ်ဆွေသိလိုတဲ့ အကြောင်းအရာတွေကို သိနိုင်ဖို့ မကြာခဏ ဝင်ကြည့်နိုင်ပါတယ်။ မိတ်ဆွေမေးလိုတဲ့ မေးခွန်းအတွက် အဖြေတွေပေးနိုင်ဖို့ မေးခွန်း အမေးအဖြေတွေ အများကြီးရှိပါတယ်။ ပိုပြီး အသေးစိတ်တဲ့ မေးမြန်းမှုတွေအတွက်ဆိုရင်တော့ Wave Money Call Center ကို မနက် ၇ နာရီ – ည ၁၂ နာရီ အတွင်း Atom အသုံးပြုသူတွေက 900 နဲ့ အခြားအော်ပရေတာအသုံးပြုသူတွေက 09790009000 ကို ဆက်သွယ်နိုင်ပါတယ်။ အပြာရောင်အမှန်ခြစ်ပါတဲ့ Wave Money Facebook Messenger မှာလည်း မေးမြန်းနိုင်ပါတယ်။
WavePay ဆိုတာ အချိန်မရွေး နေရာမရွေး မိုဘိုင်းဖုန်းရှိရုံနဲ့ အလွယ်တကူ စိတ်ကြိုက် အသုံးပြုနိုင်တဲ့ Wave Money ရဲ့မိုဘိုင်းပိုက်ဆံအိတ်ဖြစ်ပါတယ်။ ကိုယ်တိုင် Download လုပ်ရယူနိုင်ပြီး ကိုယ်တိုင်အကောင့်ဖွင့်နိုင်ပါတယ်။ WavePay နဲ့ဆိုရင် ငွေလွှဲ/ငွေထုတ်ခြင်း၊ ဖုန်းဘေဖြည့်ခြင်း၊ ဘေပေးဆောင်ခြင်း၊ ချေးငွေပေးချေခြင်း၊ ခရီးသွားလက်မှတ်အတွက် ငွေပေးချေခြင်း စတဲ့ ဝန်ဆောင်မှုတွေကို ကိုယ့်ဖုန်းကနေ တစ်ဆင့် ပြုလုပ်နိုင်ပါတယ်။ WavePay ရဲ့ ဝန်ဆောင်မှုတွေ အသုံးပြုတဲ့အခါ ဘဏ်အကောင့်ရှိဖို့ မလိုဘဲ မိုဘိုင်းဖုန်းရှိရုံနဲ့ ငွေကြေးဝန်ဆောင်မှုတွေကို အသုံးပြုနိုင်တာဖြစ်တဲ့အတွက်ကြောင့် ဘဏ်ဖွင့်ချိန်၊ ပိတ်ချိန်တွေအတွက်စိတ်ပူဖို့မလိုပါဘူး။ မိမိရဲ့ WavePay အကောင့်ထဲကို ငွေသွင်းပြီးတာနဲ့ မြန်မာနိုင်ငံထဲမှာရှိတဲ့ဘယ်သူ့ကိုမဆို ငွေလွှဲနိုင်မှာဖြစ်ပါတယ်။ WavePay အကောင့်အချင်းချင်း ဆိုရင်လည်း ငွေလွှဲခ အခမဲ့ ဖြစ်ပါတယ်။
WavePay ဆိုတာက Wave Money ရဲ့ မိုဘိုင်းပိုက်ဆံအိတ်ဖြစ်ပါတယ်။ မိတ်ဆွေရဲ့ မိုဘိုင်းဖုန်းမှာ WavePay အကောင့်ဖွင့်ထားဖို့ လိုအပ်ပြီး အင်တာနက်ရှိရုံနဲ့ ငွေလွှဲခြင်း၊ ငွေထုတ်ခြင်း၊ ဘေပေးဆောင်ခြင်း နဲ့ ဖုန်းဘေဖြည့်ခြင်း အစရှိတဲ့ ငွေကြေး၀န်ဆောင်မှုတွေကို ပြုလုပ်နိုင်ပါတယ်။ Wave Money ဆိုတာက အကောင့်ဖွင့်ဖို့မလိုဘဲ မှတ်ပုံတင်နဲ့ ဖုန်းနံပါတ် စတဲ့ လိုအပ်တဲ့ အချက်အလက်တွေကို Wave Money ဆိုင်တွေမှာ ပြောပြပြီး ငွေလွှဲ၊ ငွေထုတ် နဲ့ ချေးငွေပေးချေတာတွေကို လုပ်ဆောင်ခြင်းဖြစ်ပါတယ်။ Wave Money ဝန်ဆောင်မှုတွေသုံးဖို့အတွက် အကောင့်ရှိဖို့မလိုပါဘူး။
WavePay အက်ပလီကေးရှင်းကို မည်သည့်အော်ပရေတာနံပါတ်နဲ့မဆို အသုံးပြုနိုင်ပါတယ်။
မြန်မာနိုင်ငံတွင်းက ဘယ်သူ့ကိုမဆို WavePay သုံးပြီး ငွေလွှဲလို့ရပါတယ်။ ငွေလက်ခံမယ့်သူမှာ WavePay အကောင့်ရှိရင်တော့ ဖုန်းနံပါတ်သိရုံနဲ့ ငွေလွှဲနိုင်ပြီး လွှဲလိုက်တဲ့ငွေက ငွေလက်ခံမယ့်သူရဲ့ အကောင့်ထဲကို တိုက်ရိုက်ရောက်သွားမှာဖြစ်ပါတယ်။ ငွေလက်ခံမယ့်သူက WavePay အကောင့်မရှိရင်တော့ ငွေလက်ခံမယ့်သူရဲ့ ဖုန်းနံပါတ်၊ နာမည် နဲ့ မှတ်ပုံတင်နံပါတ်တွေကို သိရုံနဲ့ မြန်မာနိုင်ငံထဲက ဘယ်သူ့ကိုမဆို WavePay ကတစ်ဆင့် ငွေလွှဲနိုင်ပါတယ်။ ငွေလွှဲပြီးရင် လျှို့ဝှက်နံပါတ်ကို ငွေလက်ခံမယ့်သူဆီပို့လိုက်တာနဲ့ နီးစပ်ရာ Wave Money ဆိုင်မှာ ငွေထုတ်ယူနိုင်ပါတယ်။ လျှို့ဝှက်နံပါတ်ကို ငွေလက်ခံမယ့်သူကလွဲပြီး ဘယ်သူ့ကိုမှမပေးပါနဲ့။
လူကြီးမင်းရဲ့ မိုဘိုင်းလ်ဖုန်းက Google Service များကို အပြည့်အဝ အလုပ်မလုပ်တဲ့ (Chinese Devices) များဖြစ်နေခဲ့ရင်လဲ “အကောင့်တစ်ခု ဖုန်းတစ်လုံးစနစ်” တောင်းခံချက်ကို ရရှိမှု ကြန့်ကြာနေတာမျိုး ဖြစ်နိုင်ပါတယ်။ လူကြီးမင်းကိုယ်တိုင်လဲ မိမိ WavePay APP ထဲမှာ ထိုတောင်းခံချက်ကို အလွယ်တကူ ဝင်ရောက်ရှာဖွေနိုင်ပါတယ်။ မိမိ WavePay အကောင့်ထဲရှိ “ဝင်စာ (Inbox)” သို့မဟုတ် “ပြင်ဆင်ရန်” (Setting) တွင် “ယခုဖုန်းကို အသုံးပြုခွင့်ပေးခြင်း“ကို နှိပ်ပါ။ ယခုဖုန်းကို အသုံးပြုခွင့်ပေးရန် “မိုဘိုင်းလ်ဖုန်း Login ခွင့်ပြုချက်“ တောင်းခံမှုကို နှိပ်ပါ။
WavePay အကောင့် ဆိုတာ Wave Money ရဲ့မိုဘိုင်းပိုက်ဆံအိတ် WavePay ကို အသုံးပြုဖို့အတွက် ဖွင့်ထားရတဲ့ အကောင့်ဖြစ်ပါတယ်။ WavePay အကောင့်ရှိရုံနဲ့ ငွေလွှဲခြင်း၊ ငွေပေးချေခြင်း၊ ဘေဆောင်ခြင်း၊ ဖုန်းဘေဖြည့်ခြင်း၊ ချေးငွေပေးချေခြင်းနဲ့ အခြားငွေကြေးဝန်ဆောင်မှုတွေကို လုပ်နိုင်ပါတယ်။
WavePay အကောင့် အချင်းချင်းဆိုရင် အခမဲ့ ငွေလွှဲနိုင်ပါတယ်။
WavePay အကောင့်မရှိတဲ့သူဆီ ငွေလွှဲတဲ့အခါ ငွေလွှဲခပေးရပါတယ်။
WavePay အကောင့်ထဲက ငွေထုတ်မယ်ဆိုရင်တော့ ငွေထုတ်ခကို အကောင့်ထဲက ဖြတ်သွားမှာဖြစ်ပါတယ်။ ကျသင့်တဲ့ ငွေလွှဲခပမာဏကို အက်ပလီကေးရှင်းထဲမှာရှိတဲ့ “Fee Calculator” ကိုအသုံးပြုပြီး တွက်ချက်နိုင်ပါတယ်။
Wave Money ဆိုင်မှာ မိမိအကောင့်ထဲငွေသွင်းတဲ့အခါ ငွေသွင်းခပေးဖို့မလိုပါဘူး။
ဖုန်းနံပါတ်တစ်ခုကို WavePay အကောင့်တစ်ခုပဲဖွင့်လို့ရပါတယ်။
ငွေလက်ခံမယ့်သူက WavePay အကောင့် ရှိရင် လွှဲလိုက်တဲ့ငွေက ငွေလက်ခံမယ့်သူရဲ့ WavePay အကောင့်ထဲကို တိုက်ရိုက်ရောက်သွားမှာဖြစ်ပြီး ငွေထုတ်ချင်ရင်တော့ နီးစပ်ရာ Wave Money ဆိုင်မှာ ဖုန်းနံပါတ်ပြောရုံနဲ့ ငွေထုတ်နိုင်ပါတယ်။ ငွေလက်ခံမယ့်သူက WavePay အကောင့်မရှိရင် လုပ်ငန်းစဉ်နံပါတ်နဲ့ လျှို့၀ှက်နံပါတ်သုံးပြီး အနီးဆုံးမှာရှိတဲ့ Wave Money ဆိုင်မှာ ငွေထုတ်နိုင်ပါတယ်။
WavePay အက်ပလီကေးရှင်းကို Android နဲ့ iOS ၂မျိုးလုံးနဲ့ အသုံးပြုနိုင်ပါတယ်။
Wavemoney © 2025. All rights reserved.Developed by B360
