Wave Money သည် ငွေရေးကြေးရေးဝန်ဆောင်မှုများကို လူတိုင်းလက်လှမ်းမီနိုင်စေရန် စွမ်းဆောင်လျက် မြန်မာနိုင်ငံရှိ ပြည်သူများ၏ ဘဝကို တိုးတက်ပြောင်းလဲစေရန်နှင့် တစ်ဦးနှင့်တစ်ဦး ချိတ်ဆက်မှုအားကောင်းစေရန် လုပ်ဆောင်လျက်ရှိသည်။ “ပြည်သူများအတွက် ပိုမိုကောင်းမွန်သော မြန်မာနိုင်ငံတော် တည်ဆောက်ရန်” ဟူသော ကျွန်ုပ်တို့၏ ရည်မှန်းချက်နှင့်အညီ ဘဏ်လုပ်ငန်းဝန်ဆောင်မှုများကို လက်လှမ်းမီနိုင်ခြင်းမရှိသော သုံးစွဲသူများအပါအဝင် သုံးစွဲသူ ၃၅ သန်းကျော်တို့အား ၅၉၀၀၀ ကျော်သော အေးဂျင့်များမှတစ်ဆင့် ဝန်ဆောင်မှုပေးလျက်ရှိရာ Wave Money ၏ ဝန်ဆောင်မှုများသည် နိုင်ငံ၏ ၉၀% ကို လွှမ်းခြုံထားနိုင်လျက် ရှိသည်။
ကျွန်ုပ်တို့၏ Wave Mobile Wallet သည် သုံးစွဲသူများအနေဖြင့် နေရာအချိန်မရွေး ငွေပေးချေမှုများနှင့် ငွေလွှဲ၊ငွေထုတ်ဝန်ဆောင်မှုများကို လုံခြုံစိတ်ချစွာနှင့် အဆင်ပြေချောမွေ့စွာလုပ်ဆောင်နိုင်ရန် ဆောင်ရွက်ပေးသည်။ မိမိ၏ ချစ်ခင်ရသူ မိသားစု၊ မိတ်ဆွေ၊ သူငယ်ချင်းများထံသို့ အလွယ်တကူ ငွေလွှဲနိုင်စေရန်၊ လစဉ်ပေးဆောင်ရမည့် ဘေလ်များကို အချိန်မီ၊ လျင်မြန်စွာ ပေးဆောင်နိုင်စေရန်နှင့် နေ့စဉ်ငွေလွှဲ၊ငွေထုတ်များကို အဆင်ပြေချောမွေ့စွာ လုပ်ဆောင်နိုင်စေရန် ဝန်ဆောင်မှုပေးလျက် Wave Money သည် သုံးစွဲသူများ၏ နေ့စဉ်ဘဝများကို လွယ်ကူချောမွေ့စေကာ ကောင်းကျိုးသက်ရောက်မှုများကို ဆောင်ယူလာလျက်ရှိသည်။
ကျွန်ုပ်တို့၏ မိတ်ဖက်လုပ်ငန်းများအနေဖြင့်လည်း ဒီဂျစ်တယ်ငွေပေးချေမှုစနစ်ကို လက်ခံကျင့်သုံးခြင်းဖြင့် ၎င်းတို့၏ ကာစတန်မာများအတွက် ပိုမိုကောင်းမွန်သော ဝန်ဆောင်မှုများကို ပေးစွမ်းကာ လုပ်ငန်းတိုးတက်မှု ရလဒ်ကောင်းများကို ရရှိနိုင်စေရန် Wave Money အနေဖြင့် အားဖြည့်ဆောင်ရွက်လျက်ရှိပါသည်။ ထိုမှတစ်ဆင့် မြန်မာနိုင်ငံ၏ ဒီဂျစ်တယ်စီးပွါးရေးကဏ္ဍ ဖွံ့ဖြိုးတိုးတက်လာရေးကို တစ်ဖက်တစ်လမ်းမှ အထောက်အကူပြုလျက်ရှိပါသည်။ နိုင်ငံ၏ ဦးဆောင်မိုဘိုင်းငွေကြေးဝန်ဆောင်မှုပေးသူ တစ်ဦးအနေဖြင့် ကျွန်ုပ်တို့သည် လူတိုင်း ငွေကြေးဝန်ဆောင်မှုများကို လွယ်ကူစွာ လက်လှမ်းမီ သုံးစွဲနိုင်၍ အားလုံးအတွက် တောက်ပသော အနာဂတ်ကို ဖန်တီးဖော်ဆောင်ရန် ကတိကဝတ်ထားရှိပါသည်။
